اخر الخريف

 

.....

كلمات : سراج النعيم

.....

مديت حبال ريدي اتجاهك

وبقيت افتش عليك

وما عرفت اصلو اتجاهك

رجعت للمواني والمرافي السمحة

والحلم الجميل

وفي المستحيل شفتك

جايبة الاماني

بريدك وشوقي ليك

ابدا ما بقيف

ومدن ريدي تسأل عنك

وحبي ليك

لا ليهو ساحل

لا ليهو قيف

ورجعت تاني للشوارع

و المحطات والرصيف

وفي الحروف انقب

واسأل الماضي والامر والمضارع

وفي ليالي الصيف

واخر الخريف

بتجي وبقيف

معاك كل النزيف

شيلي خوفك

 

....

كلمات : سراج النعيم

...

شيلي خوفك من قليبك

وارمي عينيك في عيوني

اصلو عينيك فيها حكمه

ونظره تمسح كل شجوني

لي سنين انا راجي شوفتك

لي رموشك اقيف واعاين

ابدي اتامل عيونك

ما غرامك فيها باين

نظرة واحدة منك تكفي

عايني تاني وتمي قولك

لي مواجع قلبي اشفي

شوفي كم هاردني ريدك

كم ألم انتابني منك

ومن فراقك يا ملاكي

لسه في جواي حنك

ومهما تقسى على برضو

في عيونك بقرأ فنك

ضليتي

 

....

كلمات : سراج النعيم

....

يوم ضليتي درب الريد

منو الرجع خطاك على

وختاك في سواد العين

وغناك بي رموشو قصيد

ولماك بي حنان دفاق

وفي شريانو صرتي وريد

خلاص نسيتي ريدنا الكان

وكيف دنيانا تصبح عيد

وجروحي اللسه ما طابت

اذاي اليومي اتاري بزيد

وانا المستني منك ردك

لانو شقاي فات الحد

نجوم الليل بتشهد لي

طال سهر الليالي امتد

ولساي بتهجي في حروفك

لقيت درب الغرام سد

وحتى خطاي ما لا فيه

اثر لخطاك هسع تب

يا الضليتي بكره قريب

مصيرو الغاب يجيبو الحب

اني مهيد

 

....

كلمات : سراج النعيم

...

اوتار عازف الاحزان

تعذف لحنا شجينا

تذرف دمعا ثخينا

في أصيل اوتار الغروب

وسمار روضة الاشجان

تعذف حسناً شجينا

تواري في دثار

سطوة النصر اللعوب

الاليت النزيف

وكيف ناديت الحصيف

ايها المفتون شيد

في فناء الجنة قصرا

ثم نادي في الصديقين

إني مهيد

قد كان دوما

في الحنايا

قد كان يجري

في الخلايا

في شفاف القلب يسكب

في طواف الدرب

قلما رقيق يكتب

خبرا دقيقا لا يكذب 

أو في دنيا الفن 

باللحن يسكب 

قولا رفيقا 

يا قلب احزن 

لفراق رفيق الدرب 

ذاك الذي اختاره الرب

ليكون في اسمي الجنان

اصبر وروق

.....

كلمات : سراج النعيم

.....

ورحلت يا اجمل نشيد

صبرنا بعدك في الاسي

ونضمنا أحزان القصيد

كان من جديد

كل العمر آهات

ودمعة شوق

اصبر وروق

وما تفارق

صبر أيوب

عزانا دموعنا يا غالي

وشمسك لسه باديه غروب

لو رحلت معاك بنرحل

لو جلست معاك سكونا

وفي المراسي ديمه

بغني ليك

وفي شعري يا ديمه

في جواي صباح

في عيونك قصة راسخة

وحاجة للمهموم صلاح

والكلام القالو عنك

ما بشيل في خاطري صاح

لاني ردتك بي امانة

واضع ليك جواي مكانه

بلادي أنا

 

.....

كلمات : سراج النعيم

.....

صباح الخير بلادي أنا

صباح الورد والياسمين

صباحك فرحة وكلو فنون

صباح أخضر صباح شعري

مزارع شال عشم باكر

وعليك اندلي من بدري

بصارع في رياح احزان

وعشقك زاد يكون دهري

صباح الخير بلادي أنا

بقيف طول العمر اجلال

عشانك يا وطن ممدود

ارتل ليك في القرآن

عشان يراعك رب الكون

بلد فرسان اسود ضاريه

بتحمي ثراك مهما يكون

ونيلك رحمه الظمأن

وارضك خيرا فات القول

ومهما يراعي فيك بقول

ما بوفيك حاشا أصول

لأنك أنت احلى قصيد

وراسمال العشم والقول

يا حلم ضاوي الدروب

فيك كم شقيان يروق

لانو عطفك انت ما في

وبالحنان مليان ذوق

صباح الخير بلادي انا

فيها مليون حلمه جايه

فيها مهيره وفيها بنونة

وفيها شعوب بتخط مسيرة

وفيها معاناة الغلابة وفيها دموعك في سحابة

وفيها حياة أجدادنا آية

ترهاقة باين بي شموخه

وكم سجلات في البطولة

عاتبنا الزمن

 

......

كلمات : سراج النعيم

......

كم مرة عاتبنا الزمن

حين فاتن ايامو ومشن

نتمنى لو كان يرجعن

ونعيدو ماضينا القبيل

ايام عمرنا الودعن

كم قلنا نوصف روعتو

وما قدرنا نوفيهو الوصف

رغم الحنين الفي الفؤاد

والذكريات الما بتجف

في بعدو قاسينا السهاد

اجفانا صبحت ما بترف

جرح الفراق في جوفنا غار

اصبح يغالب في النزف

اللوعة طالت بالسنين

مستنيين عطف الزمن

ورد الخدود غطي الوجن

في زول جميل مسكون شجن

يا ريت يعود من غربتو

ويصحي في وجداني فن