كلمات : سراج النعيم
حاول اغفر ومره سامح
ما السماح من طبعك انت
وينو عطفك علينا حن
ما كتير بتريدنا كنت
دا امير في طبعو عالي
زي نجوم من فوقنا بنت
يا حنان الريد وسيدو يا ملك بالحب حكمت
كنت قايلك ما بتجافي
والزمن يرجع يصافي
في غيابك كنت عايش
كلي وحشة وفي المنافي
يا حروف منظومة
في صدر القوافي
يلا اغفر يلا اعطف
دا الحكيم كيفن بجافي
كلمات : سراج النعيم
كلك ذوق وما بتجيب
كلام بي فوق
رقيق وانيق
ريحة الصندل المحروق
رشيق ورزين
وكل اوصافي ما بتحوق
امير وجميل
تقول من القمر مخلوق
أظهر يا جميل
او بأن عليك امان
كتلت الناس عديل بالشوق
أظهر وبان
ليونة البان
ومن البانة زايد فوق
اظهر في الاصيل يا جميل
او قبل الشروق بقليل
عشان ما تبان عليك حروق
أظهر وبان
عشان دمى المعكر يروق
أظهر وبان
عليك أمان وكلك ذوق
كلمات : سراج النعيم
ارتيك تحني وتواسي الجراح
واشوفك تغني المراسي الملاح
اشيلك في شعري ومرافي البراح
عيونك تشيلي والاقي الصباح
الاقيك اخاف اسأل
كلام قالوه لي عذال
اناجيك بعاطفة تتوسل
صراع جواي ما بنقال
والاقي عيونك الطيبات
الاقي صراعي غادر زال
وامد ايدي بالدعوات
اخليلك الباقي ما بنطال
كتير قالوا الكلام عنك
جابوه لي عذال وصار قلبي البريد حنك
رافض لكل زول قال
حاصمد في حبك اصد الرياح
واصمد بوحيك في صمت الجراح
كلمات : سراج النعيم
لما وصلني ردك
كنت مستغرب كتير
انا الصدقت وعدك
وعشت متعذب اسير
ما صدقت اول خطابك
وموت داك الضمير
ما كنت بريدو طول
وبات لي المصير
ما كنا في الجلسات نطول
ونحكي عن ريدنا الكبير
ما كنا في الغنوات ناول
ونشكي من شوقنا العسير
الليلة قطعتي وعدك
وبعتي قلبا ليك سمير
يا حليلة ايامي بعدك
وتبقى دربا بيك اصير
انسيها احلامنا القديمة
انسى أيامنا التطير
ابنيها اوطانا العديمة
ورسيها أحلامي بتصير
طول عمري عاشق للصبابة
والليلة يا وتر شقاق للمصابة
وعديلة يا حنى سير
كلمات : سراج النعيم
تجيك مراكبي وتحرما المرسي
في بحور عينيك
يا ما كم ضفه
بتحضن شراع صباحك مرفأ
سواحلك دايره بس وقفه
أمواج صبري ضاعت وين
ونسيم صبري فاح خلسه
عشانك انتي شلت جراح
والحزن فيني أصبح وامسى
وكيف بالله كيف ارتاح
يا مراكب ما تعاندي قلبا
شال افراحو جاك يرسي
في خاطر الجريح امال
وحاجات تانية مندسه
اتاري شراعك الغدار
قطع حبل الصبر سلواي
وراح كل البنيتو انا
في شاطئ المحبة رجاي
في الضفات بغني غناي
وقلبي اللسه في ذكراك
راجيك تزيلي اساي
كلمات : سراج النعيم
شيلي خوفك من قليبك
وارمي عينيك في عيوني
اصلو عينيك هي ريدي
ونظرتك تمسح شجوني
نظرة منك واحدة تكفي
عايني لي الزول البريدك
لي قليبو الفيهو اشفي
شوفي كيف كاويهو ريدك
لي سنين راجي شوفتك
لي رموشك اقيف واعاين
ابدي اتأمل عيونك
ما غرامك فيها باين
كم ألم انتابني منك
ومن فراقك يا ملاكي
نظرة من عينيك واحدة
بيها بتوقف هلاكي
كلمات : سراج النعيم
لما جيتك كنتي غايبة
رحلتي في موج القدر
خليتي بعدك خصله تايه
خصلة من باقي الشعر
راجي فرحة تطل تشوفنا
بهجة لي باقي العمر
وفرحة أطفالنا وصغارنا
بسمة لي كل البشر
ورحتي انتي بعيد عني
خليتي لي ذكرى وصور
وبقيت انا تاني راجع
تاني للمر والسهر
عشان اغيب من دنيتك
ما حالي أصبح ما بسر
حاعيش وحاتك زولا غريب
ارسم ملامحك بالشعر
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
