كلمات : سراج النعيم
____________
تعالي لي قبل اتلاشي
وابقي في الدنيا ما شي
يا شرفة الفجر الدفي
ريدي ليك ما تخفي
استني بس نرجع خطوة
نبني من الخيال دنيا
يا سحابة ضللي حسي الوفي
وقلبي الجريح معاك اشفي
والحب الجواي منو ارتشفي
يا ديمه ظالمه الريد معاي
بحلم بيك عشقي الخرافي
بالعديل والزين ابقي مرفي
وابقي غيم الفرح الفه
وابقي زغرودة وابقي زفه
غناي بتوسد غناك عرفه
بفتح مسامات قلبي شرفه
علي نوافذ الزمن لهفه
داير الببنا ريده مختلفه
______
كلمات : سراج النعيم
_______
شوفو العجب كيفن بسو
وكتين تجيهو الكورة ديك
بتعب اكيد كل الدفاع
برسم روائع البهجة فيك
مريخنا بيهو سعيد وكم
عجبنا بيهو الكون رطن
فيهو ذوق احساس وفن
بالكورة كم فرح وطن
عجبنا بيفعل ما يشا
وقلبو للمريخ وفا
اهدافو بالراس مدرسة
الشبكة دايما بتعرفا
العجب دوام الكل بقوله
في المساطب عامله جوله
طولن من ريدتو طوله
بحبو يا ناس وخجوله
خاطرة : سراج النعيم
_____________
ما في ليك في قلبي خانه
ولاشعور بالفرحة وحنانه
كيف تقولي اصبر عليك
وحتي الصبر معاك مهانه
القوافي حسيت بيها هيمانه
والغمامات بتهدي الحسره
ولكل الناس بيوت حزنانه
خيوط الشمس زي ضهبانه
والحروف هي التقول ولهانه
بتشع في قلبي نهاريه
زي رقراق الزمن الخيانه
ما الجرح فيني باني مكانه
ولما تجيهو نجمات الرجوع
اقول يمكن كتير علبهو الشيل
وكل ما يمر عليهو الحول
القاهو حاضن صمتو بديل
لا لاقي أمل لا لاقي دليل
دا الغياب طال جواي بالحيل
تاريك بتغازل انت رحيل
فايت سكة العودة عديل
خاطرة : سراج النعيم
__________
مدينتي نامت علي ساعدي
كصبح يشتاق صياح صغيرتي
ويمتص ومضة في همسي
كم ارخيت الليل ظلي
ونسجت من خيوط شمسي
قافلة تلهث وراء ذاتي
ريثما يتحدي الصباح سباتي
ريثما يشق الصمت حياتي
فكم غطي العين وعدي
وكم اطفأ ضي شمعتي
ربما عكر صفو يحنو
حيثما الظلام يغشي حسي
معريا رعشات الأفق الآتي
ربما الغد شاردا يهفو
نحو جراح اضاعت سنبلاتي
ها هي سارقة الفرح تدنو
مثلما شراع تاه عني
في أحلام لامسي لا تأتي
ربما طني طائش الشطيء
يهز باب صدر حقيقتي
غير أن الظن خاطيء
يجدل الحزن في اغنياتي
خاطرة : سراج النعيم
___________
حبيبتي كرري علي مسامعي الحب
اعيدي قولك زخرفي الكلام
اغرسي في انياب انوثتك
ذكريني بتلك الأيام
لاعبيني واسردي حكايتي
ذكريني بحاتم الطائي
راقصيني فوق وعدي بالالتزام
كوني مثلما اكونك أنا
كلمة شوق تعدي الزحام
كوني مثل بائع الكبريت وسندريلا
كوني قيس وليلي عنتر وعبله
هيا اعيدي صياغة حروفي
إني فقدت حواسي
وأصبحت مثل عاصفة الشتاء
أمارس كل فنون حدسي
فلم التقط أنفاسي
بل شردتي ابطالي
ويتمتي اطفالي
ومزقتي الشوق في همسي
فلا عشق أطل في أمسي
ما شأنك تتعاطين التجنب والهجر
كأنك تقرعين ناقوس الخطر
وتعمقي الحزن نازع الأمل
فلا صبر موصول الذكر
غير أنك تبثين القهر
وتجددي والنعاس وضيق الصدر
إني فعلت طلبكم العذر
ألا إن الوداع أصبح جهر
والجراح تابي أن تندمل
لم أري شمس الوصول
تضيء قلبي وتطفيء السهر
من كتب لنا الشقاء
وجفف مداد خيالي
دون أمل في لقاء
حيث كانت الجريمة نكراء
وكلما حدقت جنوبا
اطفأوا أنوار مدينتي
وغارت العين في بكاء
أين حلم دولتي
يا سماسرة السلطة الجبناء
ما كان شبابي حائراً
يغوص في مدن الضعفاء
أو في زحام الذاكرة
أين شريعة السماء
أين تاريخ هذه الأمة
أين قائمة الشهداء
لماذا لا ترفرف رايات الشرفاء
من يغسل رحم الفضيحة
في بحور من دماء
من يوصد الابواب المشرعة
ولا يسقط سارية الوطن الكبري
في شموخ وعزة وكبرياء
يأبي سلام صفقات بلهاء
تحتكم لفكر البندقية
فلا تعطي وعدا بالاخاء
إني العن خوف ودهاء
يأتمر بأمر الصهيونية
وكافة الدول الوثنية
من كتب لنا الهزيمة
وأعاد الذكري الأليمة
مرتحلا في مجهول الأزمنة
بتلك الجريمة
فهي متجددة وقديمة
__________
كلمات : سراج النعيم
_________
ما لو قلبك لي متحدي
رغم الشوق خاطر اللهفه
وغيم الفرح الهاطل الفه
موج احساس جاب للضفه
بتمناك مدن من ريده
تبقي الساحل واجمل مرفي
انت الحب داخرنو لبكره
انت الريد الحب الفكره
بيني وبينك صدق الذكري
بهدي ليك الفرح الفطره
أبحر بيك كتير من تاني
في عينيك يا بسمة حناني
يا فرحة بتحصد حبي الاتي
فرحة تلون لون الحاني
وسكة صغيرة خط عنواني
يلا نشيل الامل افراح
تبعدي ترحلي زي سواح
خليك هنا جمال وسماح
في جواي احسو براح
كفاية الضاع وكل الراح
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
