________
كلمات : سراج النعيم
________
كيف حانكر زول جواي
كل دقيقة ولحظة معاي
لمن احزن بحزن برضو
ولمن اشقي بحسو شقاي
بس يا نافر
ما هاميك شقاي ومسافر
واملك لسه فيهو لقاي
يلا سيب الزيف الظاهر
اوعي تسكن فيني مظاهر
كنت بفتش عنو رضاك
يا ناسيني وعامل ساهي
ما هاميك السهر المتعب
برضو بتخلف في ميعادي
باني صروحك جوه دواخلي
وهسه جاي وعلي بتنادي
_______
كلمات : سراج النعيم
_______
بريد روحي لانها من روحك
انا لي فيك حكاية
مرسومة فيني دوام معايا
زي لوحة الموناليزا
حروف منقوشة اية
فيها البداية وفيها النهاية
وفيها مليون حلمه جاية
بقراكي انا يا منايا
ابتسامة من نبع الحنايا
لانو في عينيك هنايا
نظرتك تمسح الامي وشقايا
يا فرحة بتطل في سمايا
يا زغرودة يا زفة عرس
بالعديل والزين جوايا
يا الفي حبك دوايا
يا حبيبه بحلم بيك منايا
يلا وشوشي بالحلم
مهرك معاي روح هوايا
_________
كلمات : سراج النعيم
_________
لو مرة واحدة قولي سلام
السلام سنة الإسلام
ما تضني بيهو علي حرام
كاتمو طول الليل دوام
نارو في جواي غرام
لا برتاح من سهر الليالي
ولا لاقي طريق للوئام
قولي سلام قولي سلام
في صحوي او في المنام
عشان نملا الدنيا كلام
عشان نحقق الاحلام
طاريك بالمحنة علي الدوام
خاتيك بالمحبة وسط الانسجام
بفتش ليك في الايام
لا جيتي امل ببسم
ولا دايره تقولي سلام
________
كلمات : سراج النعيم
_________
مين بشبهوك
يا غيمة كيفن بوصلوك
حيرتي كل الناس وجوك
يا فرحة في خاطر الزمان
يا نجمة بتضوي المكان
انت الحنان انت الامان
بخاف عليك ما يسحروك
يا شامة في خد الجمال
يا روعة حينه ودلال
عينيك لما تقول تعال
حلوين كتار ما بلحقوك
يا سمحة فايته الكل عموم
انتي القمر انتي النجوم
عيني محال غيرك تنوم
ويتمنو لو حالا يجوك
__________
كلمات : سراج النعيم
_________
كل ما اهديك عواطفي واغني
واحلم اني ليك عريس
تزيد بينا المسافة تزيد
يكون حلم الجيعان للعيش
تاري الحب عذاب يا ناس
وقيس قبالي ضاق ما ضاق
لا ليلي ليهو بقت
ودر في ريده كان مشتاق
ما لو الحب صبح زي دا
تتمناه ما بتلقي
تضيع في سكة ما بتعرفا
في درب الريده كم تشقي
نعمل ايه معاك يا حب
خلاص كمل الصبر فينا
نحلم بي فرح باكر
محل ما فتنا ما جينا
________
كلمات : سراج النعيم
_____
جيناك يا عريس
الليلة جينا نبارك
بالزين والعديل
جيناك نهني نشارك
خاتين ليك الضريرة
ورابطين ديك الحريرة
فرحنا هلال بضوي
يا شيال التقيلة
حامي حمي العروض
يا فارس القبيلة
يا زينة الرجال
الما بتعرف رذيلة
الليلة جيناك يا عريس
بفرحة بغنا بابتسام
البهجة تتمايل طرب
والدنيا ترقص انسجام
ويتمدد احساس الفرح
في خاطر الحلوين غمام
الليلة جيناك يا عريس
أن شاء الله فرحة علي الدوام
________
كلمات : سراج النعيم
_____
اديني ريد بس وفي
صادق في مشاعرو
انا في عينيك وصفي
عمري كلو ليك دفي
هاك وعد السنين
يا غمام الاماني وين رصيفي
يا دموع الشوق ابكي
علي باب الزمن اشكي
ما كا لي وطوالي احكي
يا زفة في قلب حرفي
يا فرح جواي مخفي
وصل شوقي تمام التمام
الكلام ما تنقصو من عشقي
وريهو كيف عامل غرامي
وكيف انا شايفو في احلامي
يلا اقطع المسافات وبشر
بي ريد دافق مني
فارق حد الشوف
ومصابيح ضي الخوف
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
