________
كلمات : سراج النعيم
_____
جيناك يا عريس
الليلة جينا نبارك
بالزين والعديل
جيناك نهني نشارك
خاتين ليك الضريرة
ورابطين ديك الحريرة
فرحنا هلال بضوي
يا شيال التقيلة
حامي حمي العروض
يا فارس القبيلة
يا زينة الرجال
الما بتعرف رذيلة
الليلة جيناك يا عريس
بفرحة بغنا بابتسام
البهجة تتمايل طرب
والدنيا ترقص انسجام
ويتمدد احساس الفرح
في خاطر الحلوين غمام
الليلة جيناك يا عريس
أن شاء الله فرحة علي الدوام
ليست هناك تعليقات:
إرسال تعليق