كلمات : سراج النعيم
________
انت سافر بي سلامتك
ونحن نرجاك بي صبرنا
اصلو ما بننساك وحاتك
انت برضك افتكرنا
لما توصل لي مقامك
انت يا فرحة عمرنا
ابقي عشرة علي عيونك
الفيها كان روعة شعرنا
وابقي عشرة علي قلوبنا
كان لحقت خطاك وغادرتنا
ابقي سالم لي خيالنا
وكتين يصافح لي عيونك
بي كل شوق يشرح امرنا
ويحكي ليك عن عذابنا
واشتياقنا وقل صبرنا
انت سافر وبرضك اعرف
كل يوم من غيرك انت
ما بنحسبو من عمرنا
وكل ساعة تمر علينا
خالية منك
اصلو ما بتشغيل عقلنا
ما انت مفتاح لي غنانا
وروعة الحرف المعانا
وكل فرحة وانت غايب
فيها دمعاتنا وبكانا
سافر انت ونحن بعدك
نلقي في ذكراك عذانا
ونحسب الساعات عشانك
يا ضيانا ويا فرحنا ويا بهانا
ليست هناك تعليقات:
إرسال تعليق