سراج النعيم
جيت رجيتك حاضن آلام اشتياقي
وافتكرته جمال عيونك فيهو ساحات للتلاقي
جيت اقابلك شايل احزاني وصراعي
جيت اداوي بيك اهاتي وضياعي
بس لقيتك يا مجافي
دنيا ما عرفت تصافي
زي محيط افراح ممدد
لا فنارات لا مرافي
لا دروب ليهو بتود
لا بتجيب منو القوافي
لو عرفت الشوق ونارو
أو وقفت في يوم بدارو
كنت يا المحبوب عرفت
قاسي كيف طعم انتظار
قسوة لي حد التلاشي
صعبة كيف لحظات ودارو
بس بقولك يا اميري
انت لو برضيك مصيري
ياني فرحان بي هواك
وبرضو غرقان في شجون
اصلو ريدك يا حبيبي
كرنفال افراح وعيدي
ليست هناك تعليقات:
إرسال تعليق