كلمات : سراج النعيم
نتفق أو نختلف
نحتجب أو نتعرف
المهم يبقى الولف
ويبقى ريدنا المختلف
ريد كتير ما بتوصف
والجرح زايد نزف
الخيال في العين يرف
والدموع تملأ وتجف لو قلوبنا بتأتلف
ما اظن يوم نختلف
ليك مشاعري بتنجرف وبي هواك انا بعترف
وصفي فيك زان الحرف
وفي الوداد ما بنختلف
كلمات : سراج النعيم
مأساة الزول الفتش حنك
وكايس عنك وكلو حنان
مأساة القول الانعش فنك
وكاتب ليك بحس فنان
بيحاول يحكي وقولو يبكي
فيثارة شدو شقى الالحان
بسايل فيك وجنبو عينيك
إثارة شجنو البشكي زمان
ليه توهتي غرامو القاصدك
يا الصفيتي احساس الجوك كمان
اتيه واتهنا زمانو العاشقك
يا الوصيتي الناس يلقوك كيان
كان يا غالية بعادك وغدرك
وكنت معاك كلي جراح واحزان
كلمات : سراج النعيم
احكي لي وقولي لسه
غني غنوة وقصي قصة
احكي عن ريدتنا هسه
وابقى نغمة واطوي صفحة
عن مشاعرك نحوي صارحي
يا الخواطرك فيني همسه
عن مسافر شايل اسفو
في الدفاتر شايفه اسمو
دي المهاجر وشوقو حسمو
مين بدونك حسه بيهو
وين مثيلك وانت فيهو
اصلي مولود فيها راجي
ويا ما لدرب الوصول
كم فارقت يا قلبي الأصول
سبت ناسك وجيت براك
وعشت احساسك ورجيت هواك
ابقى لي اجمل سفر
داير أقيم حتى لوكمل الدهر
وتاني ما اظن ارجع وتر
حاير الغيم رشح المطر
كلمات سراج النعيم
انسى وسيب النسيو حنانك
وطيبتك وقيسوا
انسى وعيش حبيب للطيبة
في اسمي معاني زمانك
اوع تفكر في الباعك
ديل عايزنك يوم تتألم
لا تستسلم ديل ظالمنك
ولا عارفين معني
مشاعرك في وجدانك
من فيض احزانك
انسج لوحة
وطرز احلى وميض لدوحة
واسمو واعلا
وضمد جرح الطعنة
الطعنة المابتموت فرحة
الطعنة المابتموت لحظة
صدق بعيشها معاك يا روعة
وآه من زمنا
علم زيك زيف الحس
وآه من حضنا
سلم حضنك
كلمات : سراج النعيم
حاول اغفر ومره سامح
ما السماح من طبعك انت
وينو عطفك علينا حن
ما كتير بتريدنا كنت
دا امير في طبعو عالي
زي نجوم من فوقنا بنت
يا حنان الريد وسيدو يا ملك بالحب حكمت
كنت قايلك ما بتجافي
والزمن يرجع يصافي
في غيابك كنت عايش
كلي وحشة وفي المنافي
يا حروف منظومة
في صدر القوافي
يلا اغفر يلا اعطف
دا الحكيم كيفن بجافي
كلمات : سراج النعيم
كلك ذوق وما بتجيب
كلام بي فوق
رقيق وانيق
ريحة الصندل المحروق
رشيق ورزين
وكل اوصافي ما بتحوق
امير وجميل
تقول من القمر مخلوق
أظهر يا جميل
او بأن عليك امان
كتلت الناس عديل بالشوق
أظهر وبان
ليونة البان
ومن البانة زايد فوق
اظهر في الاصيل يا جميل
او قبل الشروق بقليل
عشان ما تبان عليك حروق
أظهر وبان
عشان دمى المعكر يروق
أظهر وبان
عليك أمان وكلك ذوق
كلمات : سراج النعيم
ارتيك تحني وتواسي الجراح
واشوفك تغني المراسي الملاح
اشيلك في شعري ومرافي البراح
عيونك تشيلي والاقي الصباح
الاقيك اخاف اسأل
كلام قالوه لي عذال
اناجيك بعاطفة تتوسل
صراع جواي ما بنقال
والاقي عيونك الطيبات
الاقي صراعي غادر زال
وامد ايدي بالدعوات
اخليلك الباقي ما بنطال
كتير قالوا الكلام عنك
جابوه لي عذال وصار قلبي البريد حنك
رافض لكل زول قال
حاصمد في حبك اصد الرياح
واصمد بوحيك في صمت الجراح
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
