الموسيقار نوري وسراج النعيم

طبع الغيمه

كلمات : سراج النعيم

________

طبع الغيمة بتسافر

لانو الريح بتمشيها

إلا عيونك انتي

حرام روحي تشيلها

وتمشي بيها بعيد

كتير قلت تعود

لكن لا عدت ولا اهتميت

ولا بعدك انا اتلميت

كان تعلمني الانتظار

ووين ألقي الصبر

اصلو حالي ظاهر

وقبال تفوت روحي

اتمنيتك برضو تعود

وتروي شوقي شديد

وتكتب لي عمرا جديد

فيهو الفرح بالتاكيد

مخضب بروح الانس

كلمات : سراج النعيم

___________

مخضب بروح الانس

موكب زفافك حس

تعالي اليوم عرس

انتي ليلي بتضوي شمس

لوسالتي كنتي عرفتي

القمر طل من امس

والبسمة جواك تهمس

والنسمة بتدي الحس

زهور نديانه تمس

خاطر اللقيا اماني

بغرس ريدك غرس

والفرحة الفيك رحابة حس

والاشواق زفة عرس

تقول جواي موسيقي

وزهور نديانه تميس

والناس فرحانه بتحرس

مشاوير الحزن بتنقر

كلمات : سراج النعيم

___________

مشاوير الحزن بتنقر

علي باب الزمن الاشتر

سفن ترسو وسفن تبحر

والجرح أكبر من حدود العمر

مرات تروح مرات تعود

تتحدي خطاوي الحزن الفقر

أقول يمكن القي الوداد

في الغناوي هايم شعر

او في حكاوي السفر

ما البيا اكبر من قدر

يا طيف وعدت نجومك سهر

اتحسسك وتتحسسيني فجر

تايه في سكتك منتظر

زي مريدين بطوفك ذكر

نشوة ريد وحب بفكر

وما بارحني الشوق لا بفتر

ما تخوفك غيوم من الاحزان

كلمات : سراج النعيم

____________

ما تخوفك غيوم من الاحزان

بوصفك للنجمات تضوي مساره

ياكي داخلاني من زمان

وشايفك في ليلي مناره

يا دعاش من عشم حافل

بعزفك غنوة جواي اوتاره

خليك دايما في قلبي

برسمك للامل عنوان

ما تقولي ما في امل

وتطلعي من دا المكان

ارجعي لي تلقيني عطشان

بقراك للافراح نشوان

ما تبقي زي مهرا جافل

اكيد بدونك ظمان

استني شوقي واعرفي الحاصل

انا فيك عمري رافل

ما تقولي منك راحل

يا منقوشة في خاطري اول

طلي ياكي مرفي للفرح

وياكي ليهو الساحل

والودع تلقي عن غافل

كيف بترجعي الزمن المشي

كلمات : سراج النعيم

__________

كيف بترجعي الزمن المشي

يا قمر فيني سمر العشا

كل المدائن بقت وحشة

باكيات عليك حد الدهشة

وكت الفجر منك يرتشي

ناوي ارسم فيك لوحتي

ياكي لي وانتي عشقي

ما ترقصي غيمي تنتشي

ضوي من عينيك العتمة

يا خجولة اشرقي في شمسي

هاك صباحات الحلم زركشي

ناوليني شراع الامل برسي

وبصافح شوقك سلام عرفه

انا تاني عليك ما بقسي

حرقة الجوف والحشا

ومهما الجراح تصبح وتمسي

تعالي لي قبل اتلاشي

كلمات : سراج النعيم

____________

تعالي لي قبل اتلاشي

وابقي في الدنيا ما شي

يا شرفة الفجر الدفي

ريدي ليك ما تخفي

استني بس نرجع خطوة

نبني من الخيال دنيا

يا سحابة ضللي حسي الوفي

وقلبي الجريح معاك اشفي

والحب الجواي منو ارتشفي

يا ديمه ظالمه الريد معاي

بحلم بيك عشقي الخرافي

بالعديل والزين ابقي مرفي

وابقي غيم الفرح الفه

وابقي زغرودة وابقي زفه

غناي بتوسد غناك عرفه

بفتح مسامات قلبي شرفه

علي نوافذ الزمن لهفه

داير الببنا ريده مختلفه