كلمات : سراج النعيم
___________
زي لاقيتك عشما أمس
زهور نديانه بتدي الهمس
نشوة ريد وموكب شمس
مهما يفرهد شوقو تدس
تلقي الخطوة وليل الانس
وانت بعيد وما هاميك الدرس
الفرحة تخفي الضحكة تدس
ليه ما تداعبيها رحابة حس
مهما الجرح جواي اتونس
اغرس بسمة الامل غرس
شوقه وذوقه لكل الناس
تهدي مشاهد زفة عرس
ريده خلت تاني طريقا
غزلت خاطر اللقيا اماني
عمقت جواي بركل احزاني
ومداخل الاسي الفي هجراني
عيدي الاحلام فيني وكوني
نسمة جديده وريده فريده
ورغم الحزن ابقي معاني
واحساسك معاي احتواني
كلمات : سراج النعيم
___________
يا شابله خطاوي الشوق يوماتي
وري الفرح وين مواعيدك
دهشة فرحك وهمسة ريدك
اشرقي من تاني واعطفي
كان في الخيال أو طيفي
يا شمسا باقه بي عواطفي
دا الفرح جواي اتلطفي
كتير دسيتك حضوري الوفي
عشان احكيك للصباح دفي
واحكي للأطفال حكاويك واصطفي
جواي حب كبير اسعفي
صبري نار الجوف اطفي
وقلبي اللسه معاك انصفي
اقفلي باب الحزن الفي
الجرح الفيني ما تردفي
ولي سلطان الألم انفي
ومن عيون الناس اخفي
لمتين بس روحي تهجري
وجبال الهم العلي تحتفي
ودموع الشوق بحر ازرفي
ولمان القاك بفارق نزفي
كلمات : سراج النعيم
_____________
وريني بس سافرت كيف
لي زمن جواي غريب
لا ليهو ساحل ولا ليهو قيف
ما لا قي سكة العودة ساعة المغيب
مطر الفرحة بغرد عندليب
لا راح ولا عاد شفيف
والغمامات بقت دمعات حزينة
والحزن زي بتلفحني توب
لا بمشي في الخد لا بقيف
والسنين في قلبي الجريح
واقفة علي باب الزمن الكفيف
شايله مواسم ريدي ليك
تسابق عيوني حتي الريح
انا جاييك يا زول اقيف
ما غريبة ابدا انت تقسي
وتتمادي في عنادك
زي لاعب بي حريف
اكيد بخليك جواي وصيف
ما انت في قلبي تحريف
وربيع العمر اصبح تكليف
يبدأ معاك الغرام تعريف
كلمات : سراج النعيم
______________
كلم عيون الفرحة فيك
يا الفي الحب ما ليك شريك
لملم افراح الروعة فال
واتلفح ريدي عليك شال
محال القي الناس البشبهوك
عطرك مازال فرح وسر
زي دهشة ما بتفارق عمر
والقمر بضوي كل الامكنة
يا نور من نور فسر
الشمس لمن تشرق هنا
شعاعك ليها مرسي وبر
والعصافير بتغرد ليك امل
عشان ترجع تاني وتستقر
ما تعلم النجوم تسهر
طول الليل تنسي الصباح
واسراب النوارس بيك تحلم
وبي زمن خالي من الرياح
والمسافات تشتت عطر الزهور
تحرمني ابوح بالحب المباح
اكيد بتحن ليك القلوب
وتفرد مع الاحلام جناح
كلمات : سراج النعيم
__________
يا بنيه شوقي ليك دافر
ما عصي في روعتك ساهر
يا بنيه زي أسراب النوارس
اعشق فيك موجا هادر
ما بخون ابدا فيك مصاير
مهما الحزن يباري الجراح
عزمي حسنك نحوي ساير
مضمون في عش الريده
وابتسامتك تكفي تزيل بصاير
برضي كل غرورك وشكك
ما دام قلبك زهرة وفيه
وقلولنا بتشقشق زي عصافير
تتفح جواي فرحة ندية
ما بتعرف ابدا منك تطير
ما بتعرف دموع عيون أبدية
بتنهل من نبعك الحب غير
ما بتعرف في الريده عذرية
بلقي عندك حصون محمية
وصبر زاخر في طنك حرية
انتي في الاول والاخير قضية
كلمات : سراج النعيم
____________
انسامي بتحن ليك صباح
زي الفراشات والورود والرياح
وتغرد عصافير الحب بجناح
تلقي دهشة الريد المباح
عليك حظي ساكن تعال
يا منتهي الشوق شرفت البال
كان غبت بغيب معاك
لو تزيد بزيد لهيب شعال
ما بعرف غيرك يمين أو شمال
في الليل أو في النهار
الأيام زي نحوك اقبال
جيتك ليهو بدر الكمال
مكحول بنورك كاسيوه امال
بس وين القي الحال
وقلبي عاني منك اهمال
هايم في واديك الجمال
وفي قلبي وقلبك متعال
هبه عبيرو فاح دلال
خلي دموع الشوق كحال
تبعد ترحل هي محال
ما بتترك حبي صايبهو نبال
خطواتي بيك انتي كمال
كلمات : سراج النعيم
_________
قريب منك قلبي افتكر
فك شفرة الريد اتذكر
شوف وصفه حبي يا ناكر
معاك الشوق جواي اتحكر
هاك وطنك متجلي في الخاطر
انا منك مكسي امل ماطر
وفرح شعبك عليك صابر
سحابك الغيث فيك ظاهر
عواطفي زي بيك بتجاهر
انتي حياتي مثال نادر
بخلص ليك ابقي ذاكر
غيم الاماني منك دافر
مرسوم عليك ابقي شاكر
انا بوفيك ما تهجر باكر
تبحر بالحب خاين وماكر
تعمل فيها انت ماهر
كان بالجراح انت قادر
ببقي ليك حسام باتر
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
