_______
كلمات : سراج النعيم
_______
ما كنت بتخيل
قلبك يشيل اتنين
ينسي زولا كان
خاتيك في العين
طاريك دون الناس
ضاميك شوق وحنين
كنت ليهو الفال
قسمت قلبو الحزين
ما كنت بتخيل
كيفن بدون اسباب
تجرح مشاعرو تفوت
يحصد حصادو الريح
تبكيك ياما بيوت
وعشم السنين يا ناس
يبقي اخرو صدود
شوق العيون يرحل
وترحل معاهو ورود
ما كنت بتخيل
انك معاي موجود
وقلبك بعيد مني
كلمات : سراج النعيم
____________
ما لو قلبك لي متحدي
رغم الشوق خاطر اللهفة
يا موج احساس ساقني للضفة
بتمناك ساحل فيهو المرفي
وغيم الفرح الهاطل الفة
انت الريد والفكرة
انت الحب الدهشة
بهديك حلم فيني فطرة
نحن داخرنك لي بكرة
وبيني وبينك صدق الذكري
يا بسمة في عينيك حناني
ببحر بيك من تاني
يا فرحة في مسار عنواني
يا نسمة بتحصد حبي الاتي
يا محنة من لون جواني
يلا نشيل الامل افراح
ما تفوتي مني زي سواح
خليك هنا معاي سماح
عشان احسك جواي براح
كفاية ما ضاع او اللراح
خاطرة : سراج النعيم
___________
انا ما قلت ليك يا قلبي
الايام بتجور عليك
اقفل بابا ليهم بوديك
والبخونك خليهو بطيب خاطر
خليهو يتابع في خطاوبه
ما تشيل قلبك تاني تجيهو
مهما الجرح طول فيك
لو تاني جيت ومديت ايديك
ما اظني ارجع اشتهيك
والبطرا الجرح مصيرو يجيهو
ويفرد للحزن مساحه جواهو
غايتو صورتي وشليه من عينيك
انت ظاهر انو هناك مرتاح
لاني لقيتك انت ما لي
انت عايش للاوهام شريك
انت بس اصبر ساكت
بجي اليوم الفيهو بجازيك
انا اصلي ما بندم عليك
ما بتذكرو ما ضيك
ما اظني ارجع واشتهيك
خاطرة : سراج النعيم
____________
بريدك روحي وروحك معاي
انا لي فيك حكاية
مرسومة فيني دوام اية
زي لوحة الموناليزا
بتدهش كل الشافا
هي زي قصة حروفه
منقوشة بي دموع الدهباية
سلسله بتجسد رواية
فيها البداية وفيها النهاية
فيها مليون حلمه جاية
بقراك انا يا منابا
ابتسامة من منبع الحنايا
لانو عينيك فيها هنايا
ونظرتك تمسح كل شقايا
يا فرحة بنزيل اسايا
يا زغرودة جواي زفة عرس
بالعديل والزين مبروك عليك
يا طبيبة سكنتك منايا
انا في حبك دوايا
يلا وشوشي في الحلم
مهرك معاي روح هوايا
خاطرة : سراج النعيم
________
ناس الجرح فيها كبير
زايد كل يوم نزف
وناس الفرح ليها اثير
ملازم ليهم عديل
ناس لو حلمت بيهو مره
ما بتلقي ليهو تفسير
وناس كل شيء يسير
ما بتعرف تعب او تفكير
ناس عايشه في القصور
ولابسه حرير في حرير
وناس تفترش الارض حصير
ما ليهم غير الحزن بديل
ناس تشقي نهار وليل
ما بتلقي غير هما عسير
وناس الهم باق ليها دليل
حالهم محكوم دون تغيير
ناس شايله الفرح غصن اخضر
يمسي ويصبح معاهم مصير
ما التاس مقسمه بين غني وفقير
ديل ودبل منشري فيهم نيل
خلاص يا ناس فقدتو الخير
_________
خاطرة : سراج النعيم
__________
انساهم يا قلبي
ما تضيع عمر واهب فرح
كم مخدوع وكم محروم
كم مسجون وكم مظلوم
كحل عيون الليل صبر
بغالب في دموع الندم
انساهم يا قلبي
وجافي الجرح الشال ونور
اختصر الزمن ما تتألم
حرام تتوه وتحتار
غض الطرف ما تتكلم
والباعك بيعو بي ابخس ثمن
ما تغلي الرخيص تندم
انساهم يا قلبي
خلي مراكب الايام تعدي
ذكري في رحم الماضي
وصرخة في وادي العشم
وفكرة في حلم الوصول
انساهم يا قلبي
ما تشرع في المستحيل تحلم
يا مقسم بين ظلم وظلم
كم دونت فيك الم
في نبض الشارع المحكوم
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
