________
كلمات : سراج النعيم
________
نفسي بس القاك
وبالشوق اضم عينيك
مره في خاطر مواعيدك
ومره اماني اللقيا تجيك
دا الجرح فيني وارتمي
نبت جواي واحتمي
لمين الحزن في هواك
لمين دموع الشوق مولمة
يا ضحكة الليل والغنا
يا دوحة فرح الاماسي
ما لي غير اهديك للنسمة
زيلي خاطر الالم هنا
بتعشم ظروف المني
توديك زي نجمة
من نجوم السما
تضوي للناس جواي انا
ولي كل البيوت اسلما
يا غيم من فرح نما
ان الاوان يا ملهمه
بس من الصعب انسي
وكيف بالله كيف اقسي
_________
كلمات : سراج النعيم
__________
ما كنت قايل البينا فات
عهد الصراحة وانطوي
وفاتت كمان كلمات عزاز
خلتني لي نار النوي
بسال عليك انت وين
حليل زمان عهد الوفا
حليل فرح ايامنا ديك
الكنا ديمه بنعرفا
ما كنت قايل انو القدر
برسم فراقنا في دمعتين
وحتي الخدود تشكي وتئن
وانت ما هاميك شين
غايتو ونقول مكتوب علي
كل الحصل لابد يكون
ما ليا غير الصبر الجميل
بصبر عليك مهما يكون
لانو البحب صادق محال
يمشي تبراهو الظنون
_________
كلمات : سراج النعيم
_________
وحياتك يا امي مفتون
وبكتب ليك في العمر مرهون
يا احلي كلام اكيد موزون
يا شوق غطي شوق العيون
في الحنيه دربك دوام مضمون
وصبحت الدنيا ذاتا شجون
يا اجمل قلب بالحنان مسكون
الزمن ساقني ليك بجنون
انت صباح العيد مامون
وغرامك في الروح ممكون
جيت ابكي البريدو شديد
كيف ما ابكي والبريدو بعيد
بسامر في احلامي وازيد
يا فرح فيني مودة وريد
وحضن دافي سري في الوريد
انتي فرحة وطلت عيد
________
كلمات : سراج النعيم
________
متين بس افارق الاحزان
واشيل طعم الفرحة ضمان
حب وريد وشوق وحنان
يا انتي يا
انا بيك قلبي هيمان
يا انتي يا
انا فيك احلامي ازمان
يا عزة من عزة السودان
انا بيك اكيد فرحان
يا الفي عمري هواك
ببقي علي الوعد اللي كان
ما اصلو غرامك فيني عنوان
وحنيني ليك ابدا ما هان
وشوقي ظاهر عندي بان
_________
كلمات : سراج النعيم
_________
خلاص يا ناس فقدتو الخير
وفيها القسوة زدتو كتير
في ناس الجرح فيها كبير
وناس طوالي لابسه حرير
وكان فتشتو عنو
محال تلقالو تفسير
ناس مصيرهم مربوط بالقصور
وناس مفترشة الارض حصير
وناس بتلقي الفرحة ياما
بدون تعب او تفكير
وناس تشقي نهار وليل
وما بتلقي غير هما عسير
حالها محلو ثابت
محكوم بدون تغيير
الحزن انشري فيهم
زي نيلا كبير
كان الواحد اول
برضو يبقي اخير
_______
كلمات : سراج النعيم
_______
وقبال تفوت دايرك قريب
معاي تضوقو طعم الريد
ونتواصل تاني بس يا دوب
دي الفرح مالينا بالتاكيد
اتمنيت مني اصلو ما تغيب
وتكتب لي عمرا جديد
وكت قلبي في قلبك يدوب
اروي شوقي بيك شديد
بدون جراح بدون تعذيب
لكني ما لاقي منك
غايتو بس غير الصد
وكل ما افتح درب الغرام
الاقي الدروب تنسد
ونوافذي انا مشرعة جد
الا براك اخترت البعد
_______
كلمات : سراج النعيم
_______
ما ليك حق في غيابك
انا الشاريك وريدي سكونك
يا كا لي ودا مكانك
طبعي اناجيك واجي عشانك
دا كل حبي ليك
وعواطفي تهوي تحنانك
وبرضو سبحان الخلق انسانك
شجوني مدفونه في احزانك
خليني في اعماق اعماقك
يا نغم في وتري الحانك
زمني جوه في احضانك
ما تجافي مرسالي عنوانك
لو غلطت معاك سامحني
غرامي ما ببقي بدونك
يا جميل بالصبر راجيك
مشكور خدي نديانك
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
