________
تجيك مراكبي
وتحرما المرسي
في بحور عينيك
داير ارسي
يا ما كم ضفة علي بتقسي
بتحضن شراع صباحك
مرفي
سواحلك دايره بس وقفة
امواج صبري ضاعت وين
ونسيم شوقي فاح خلسة
عشانك انتي شلت جراح
والحزن فيني اصبح وامسي
وكيف بالله كيف ارتاح
يا مراكب ما تعاندي قلباً
شال افراحو جاك يرسي
في خاطر الجريح امال
وحاجات تانية مندسة
اتاري شراعك الغدار
قطع حبل الصبر سلواي
وراح كل البنيتو انا
في شاطي المحبة رجاي
في الضفات بغني غناي
وقلبي اللسه في ذكراك
راجيك تزيلي اساي
_________
كلمات : سراج النعيم
_________
كيف هانت عليك دنياي
وقلبي المعاك في الايد
ظالمني وما عارف
وما شي هاني سعيد
يا سيد الجمال والريد
ديمه في خاطري
وقلبي يوت بوفيك
ما تبقي قاسي عنيد
ما انت اختيار قلبي
وانت طلت عيد
انت تظلم حبي
وليهو ضاعف وزيد
انا بي اذاي رضيت
ما دام رضيتو هلاكي
ذنبي كلو عليك
لكني رغم الكان
برجاك بالاشواق
مصيرو ترجع لي
اصلو الفراق حراق
وديمه البريد صادق
برجع اكيد مشتاق
__________
كلمات : سراج النعيم
___________
ليه ما علمتيني
اجي حلم في مدارك
وين وديتي اصرارك
خلاص ضاقت بي اعذارك
يا رحيق في زهرة مشتول
يا حارمني فيك بقول
الجرح فيني طول
والفراق مكتوب علي اول
وين وديتي العزيمة
يعني فكرتنا بقت قديمة
كفاية تديني الذكري الاليمة
وجاي هسع تبللي عشقي بالهزيمة
يا فرح الغناوي ما تبقي استحالة
ما في محنه في ديارك
حزنان كتير في انتظارك
شوقي بنسي انك وصاله
انتي قايله تاني برجع
ما الرجعة ذاتا ملت انتظاره
ندمان عليك لا لا
الروح راحت بالجرح محالا
_________
كلمات : سراج النعيم
_________
طليتي زي غيمة فرح
والليلة مازي كل يوم
يا شهد يا دفقة مرح
شلتيها من خاطري الهموم
يوم جيتي يا شهد العمر
البسمة زارت اي وش
سافرنا في عيونك سفر
ورشيتي فينا الفرحة رش
غنينا ليك الاغنيات
في قلوبنا اسمك اتنقش
وعزفتي في الوتر الحلم
الليهو مده ولا انهبش
الليلة مهما قلنا فيك
يا حلوة يحتار الوصف
طرزت اسمك بالرذاذ
وتوهتي في قلمي الحرف
ما عرفت اكتب فيك شنو
والفرحة دمعتا ما بتجف
يا نسمة في عز الهجير
يا محركة الزمن الوقف
_________
كلمات : سراج النعيم
_________
يا منقوش في عيون الناس
يا موهط في دواخلنا
تنقرش جوه في الاحساس
خلاص يا ناس
صبح عشم الغلابة قماح
قعد جرح الفقاري يباس
خلاص اترمل الاحساس
خلاص اتاتم الكراس
بعدك القلم مكسور
بعدك الوتر مبتور
بعدك العدم منشور
بعدك السرور وسواس
مناراتك تسبح بي جمال سيرتك
تغرق لي خلودك ساس
مناراتك.. شعاراتك
دلايل القوة في ذاتك
عظيمة وشامخة ما بتنداس
مناراتك حضاراتك بطول النيل
لا بتنعد ولا بتنقاس
_________
كلمات : سراج النعيم
________
يلا ارح لحلمك الصداح
يا عمر شوقك فيني براح
هل جواي من تاني
وكون للمهموم صلاح
صباح العيد عيونك
انت يا عطر فواح
وخلي هموم قلبي ترتاح
اتهني في قربك انت
واساهر ليك صباح
شان انت سيد الناس
وفيض من الحنان مرتاح
ما تضن بلوعة الشوق علي
ما اصلو الشوق مباح
قدر مكتوب علي
اكون في هواك سواح
تتوه الدنيا بيك تسرح
ونملاها نحنا افراح
_________
كلمات : سراج النعيم
_________
مدي ايديك وتعالى
اريتك لي وشوفي حالي
انا حالي باين دونك
وانت في جواي وبالي
ولما ترجع لي تاني
تملا دنياي الاماني
والنيل يبشر بي قدومك
والضفة تديك التهاني
وحتي موج احساسي يهدأ
يا فرح جواي وغشاني
انا وعينيك لحظة سكون
ديمه بحلم بيك يومي
راجي زمانك وطلتك
شان افارق كل همومي
يا نور حياتي العالي بان
يا فرح كل الاماسي
يا ملاذات الامان
ما لو قلبك لي قاسي
كان مناي في الدنيا جد
تشيلي من عيني نعاسي
وابقي احلم بيك
وبي عبير افراح مراسي
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
