_______
كلمات : سراج النعيم
_______
ما قلت ليك يا قلبي
الايام بتجور عليك
اقفل بابك انسي
ما اصلو الباب البوديك
والبخونك خليهو بطيب خاطر
وتاني ما تمد ليهو ايديك
ما اظن انا تاني ارجع
وما اظن تاني اشتهيك
خطاي معاك تابو
يمشو معاي خطاويك
وما بشيل قلبي تاني
ودون الناس اجيك
بجي اليوم الفيهو بجازيك
انا الخاتيك دون الناس
وانت للاوهام شريك
امشي خلاص وفارقني
وما ندمان عليك
_______
كلمات : سراج النعيم
_________
رجيتك في زمن قاسي
قلت الدنيا بكره تهون
تشيل احزان مشتاق
وبيهو محن
تشيلنا من العمر لحظات
واخر لحظة فيها كفن
وبنادي وطن الوطن
بكره الدنيا ترجع بينا
لي الجروف والطين
وبنحسب في مسافاتك
وما قادرين
قلبنا يلين
وما شايفين
جرحنا سنين
ورغم الجرح نازف
برضو نقول
ما ساهلين
________
كلمات : سراج النعيم
________
يا دخري الرجال
ابوك يوم ما لان
الفارس الكلس البكرم الضيفان
شيال التقيله البشبع الجيعان
ساند الضعيف
ابوك اخو الاخوان
مهما قام صغير
معروف ابوك يا وليد
حلال الشبك
كسار حديد القيد
لو بقت يمين ابوك نارو تزيد
بحرق العدو القاصدو بالتحديد
امسك درب ابوك سير عليهو عديل
سند الرجال ابقي ليهو دليل
ود الوز بعوم ما دام سكونو النيل
يا ود شبل الاسد ركاب ظهور الخيل
التاريخ شهد بانو انت الراس
بنيان البيوت ما ببقي من غير ساس
________
كلمات : سراج النعيم
_________
عمرو الحب جد جد
عيون ما ببقي قاسي
ولا في الريده يقدر
يعمل انو ناسي
خلاص اوعك تفكر
تكون جواي اساسي
خلاص انساني وارحل
من خاطر الاماسي ويامغرور كفاية
لي سنين بقاسي
زمان بشتاق اشوفك
نسيتني انا ببقي ناسي
الجراح كبرت فيني
بحس في قيفو وحشة
وظلمك مهما تقسي
خطاهو بتبقي رعشة
________
كلمات : سراج النعيم
________
عينيك بتغلب شوقي يتكلم
وكت تشقيني فيك بحلم
وافتش عن حنانك وكم
دي الناس منك بتتعلم
معاك ما ممكن اتالم
وافارق بي لقاك الهم
انا شايلك ومشتهيك نعم
لا عذاب لا جراح بزعم
انت طلتك بتزيل الغم
انت لغة الدنيا نغم تجيك ضحكاتي ليك تفهم
معاك امالي تتبسم
مره عام وراهو عام
ما بلقي غير سفر الغرام
ليه هواك هان واشتكي
ودر وراهو شوق الكلام
هاك دا باب الرجوع
عشان وجع الليالي يودع
وتبقي في فؤادي المستهام
وتفرح معاي وتقد شموع
________
كلمات : سراج النعيم
__________
شوف كم مره كلمتك
مشيد فيني صمتك
يا الجوه قلبي سكنتك
وما فكرت اسيبك
وبالحب كتير علمتك
كفاية عشق نظمتك
اموت بس واعرف حقيقتك
وكيف بتقول هزمتك
الله يسهل ارحل
ما دي قسمتي ودي قسمتك
ومهما تحن وترجع
ما بدور تاني معرفتك
________
كلمات : سراج النعيم
________
ما في ليك في قلبي خانه
مر الحول وراهو الحول
وكل زول حاضن صمت الليل
لا لاقي امل لا لاقي دليل
فايت سكة العودة
ولما تجيهو نجمات الرجوع
اقول يمكن كتر عليهو الشيل
لكنو غيابك طال بالحيل
تاريك بتغازل جواي رحيل
كيف تقول اصبر عليك
والصبر معاك مهانه
لا شعور بالفرحة لا حنانه
حروفك تنسج شوقي حزنانه
خيوط الشمس بتشرق ضهبانه
تشع في قلبي نهاريه
زي رقراق الزمن الخيانه
الجراح ما بتندمل فيني
القوافي حسيت بيها هيمانه
الغمامات بتهديني الحسرة
ولي كل الناس بيوت حزنانه
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
