________
كلمات : سراج النعيم
________
عينيك بتغلب شوقي يتكلم
وكت تشقيني فيك بحلم
وافتش عن حنانك وكم
دي الناس منك بتتعلم
معاك ما ممكن اتالم
وافارق بي لقاك الهم
انا شايلك ومشتهيك نعم
لا عذاب لا جراح بزعم
انت طلتك بتزيل الغم
انت لغة الدنيا نغم تجيك ضحكاتي ليك تفهم
معاك امالي تتبسم
مره عام وراهو عام
ما بلقي غير سفر الغرام
ليه هواك هان واشتكي
ودر وراهو شوق الكلام
هاك دا باب الرجوع
عشان وجع الليالي يودع
وتبقي في فؤادي المستهام
وتفرح معاي وتقد شموع
________
كلمات : سراج النعيم
__________
شوف كم مره كلمتك
مشيد فيني صمتك
يا الجوه قلبي سكنتك
وما فكرت اسيبك
وبالحب كتير علمتك
كفاية عشق نظمتك
اموت بس واعرف حقيقتك
وكيف بتقول هزمتك
الله يسهل ارحل
ما دي قسمتي ودي قسمتك
ومهما تحن وترجع
ما بدور تاني معرفتك
________
كلمات : سراج النعيم
________
ما في ليك في قلبي خانه
مر الحول وراهو الحول
وكل زول حاضن صمت الليل
لا لاقي امل لا لاقي دليل
فايت سكة العودة
ولما تجيهو نجمات الرجوع
اقول يمكن كتر عليهو الشيل
لكنو غيابك طال بالحيل
تاريك بتغازل جواي رحيل
كيف تقول اصبر عليك
والصبر معاك مهانه
لا شعور بالفرحة لا حنانه
حروفك تنسج شوقي حزنانه
خيوط الشمس بتشرق ضهبانه
تشع في قلبي نهاريه
زي رقراق الزمن الخيانه
الجراح ما بتندمل فيني
القوافي حسيت بيها هيمانه
الغمامات بتهديني الحسرة
ولي كل الناس بيوت حزنانه
________
كلمات : سراج النعيم
________
كيف حانكر زول جواي
كل دقيقة ولحظة معاي
لمن احزن بحزن برضو
ولمن اشقي بحسو شقاي
بس يا نافر
ما هاميك شقاي ومسافر
واملك لسه فيهو لقاي
يلا سيب الزيف الظاهر
اوعي تسكن فيني مظاهر
كنت بفتش عنو رضاك
يا ناسيني وعامل ساهي
ما هاميك السهر المتعب
برضو بتخلف في ميعادي
باني صروحك جوه دواخلي
وهسه جاي وعلي بتنادي
_______
كلمات : سراج النعيم
_______
بريد روحي لانها من روحك
انا لي فيك حكاية
مرسومة فيني دوام معايا
زي لوحة الموناليزا
حروف منقوشة اية
فيها البداية وفيها النهاية
وفيها مليون حلمه جاية
بقراكي انا يا منايا
ابتسامة من نبع الحنايا
لانو في عينيك هنايا
نظرتك تمسح الامي وشقايا
يا فرحة بتطل في سمايا
يا زغرودة يا زفة عرس
بالعديل والزين جوايا
يا الفي حبك دوايا
يا حبيبه بحلم بيك منايا
يلا وشوشي بالحلم
مهرك معاي روح هوايا
_________
كلمات : سراج النعيم
_________
لو مرة واحدة قولي سلام
السلام سنة الإسلام
ما تضني بيهو علي حرام
كاتمو طول الليل دوام
نارو في جواي غرام
لا برتاح من سهر الليالي
ولا لاقي طريق للوئام
قولي سلام قولي سلام
في صحوي او في المنام
عشان نملا الدنيا كلام
عشان نحقق الاحلام
طاريك بالمحنة علي الدوام
خاتيك بالمحبة وسط الانسجام
بفتش ليك في الايام
لا جيتي امل ببسم
ولا دايره تقولي سلام
________
كلمات : سراج النعيم
_________
مين بشبهوك
يا غيمة كيفن بوصلوك
حيرتي كل الناس وجوك
يا فرحة في خاطر الزمان
يا نجمة بتضوي المكان
انت الحنان انت الامان
بخاف عليك ما يسحروك
يا شامة في خد الجمال
يا روعة حينه ودلال
عينيك لما تقول تعال
حلوين كتار ما بلحقوك
يا سمحة فايته الكل عموم
انتي القمر انتي النجوم
عيني محال غيرك تنوم
ويتمنو لو حالا يجوك
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
