________
كلمات : سراج النعيم
________
خلي قلبك يختار
ما تقولي لي اعذار
قلبي شعاع من نور
علي الشمس مدار
سيب الزيف بفارقني
اعتصرت الالم اعتصار
حتي الاماسي بقت صعبة
يلا نرمي همومك ونعيش احرار
شان خاطري سهر الليالي
هايم في احزانو تكرار
النجوم في سماهو اختصار
ما ربحت ولكن هوانا تواري
وغزل الضباب فينا اختضار
نفتش الجراح وذبلت ازهار
كنت بحلم وهسه تايه
ما بفرق الليل من النهار
والروح طافت بكل وادي
دونت في جوفي نار
_________
كلمات : سراج النعيم
_________
الجرح باني فيني جروف
الفرح عامل مني عزوف
والغنوات بلاك حزينة
وكل الشوق بدونك خوف
لا لقيناك لا سرحنا
لا الزهرات فرهدا وراك قطوف
شيل صمت الليل حكاياتو
طوع نبضات الريد العميقة
اطري حبي خليها الظروف
يا قمر بضوي مكان لقانا
وكتين تجيك روحي نشوانه
يلا غني الامل ياما
اوتار غناي فاقداك
وكلماتي ما لاقيا هوانا
شوف وين دسيتا ريدتنا
وخدود نديانه في موسم رحيقا
يا فراشات الشوق تعالي حروف
نتجاوز كل حواجز الخوف
يا ضي ولهان بالاماني طيوف
ما تخلي رياح الزمن تطوف
_______
عفواً سيدتي
إني هنا في رجاء
لا تبحري بمشاعري
فأنا بحبك أثير
أسابق الريح بالدعاء
والبحر والقمر والسماء
عفواً سيدتي
يعز علي أن تخبوئي
في بحر الحزن
فأنا بلا قارب
في رذاذ الزمن
عفواً سيدتي
مدي إلى شراعك
وانقذي خواطري
من نظرات الآلهة
وحطام سلاسل قيودك
التي تروح في الروح
وتأتي ولا تروح
عفواً سيدتي
تقدمي بكل غنفوان
واخلعي ثوب الحداد
طالما أبحث عن حالي
في مرابيعك ومراعيك الخضراء
اجعلي أمري معلقاً عليك
وأمر الشعر بين يديك
سابحا فوق ارضك الخيلاء
في زمن الانكسار
علي صدي الألم
مع هبة المساء
أعلق عليك أمر الهوي
ليرسو علي شاطيء القلب
ولكن وهم الحياة
أعاد وادي الندم
فارتد بصري للوراء
حيثما حضنت المستحيل
في رائحة الطين
حتي راح العمر
في بطون الجبال
وعقمت روعة السنين
عفواً سيدتي
موكب الرحمة حزين
حمل الصبر إحتضار
وعلا في صوتنا الحرمان
مسرعاً بأيام الصبا
إلى أشباح الرحيل
حيثما الأقدر تزخرف الدنيا
في غفوة الرجال
بينما المكان يسطر
صوراً مائلة للعري
تسرق ابتسامة الأحلام
عفواً سيدتي
فما أفهمه مجهول
في عز الوجع العقيم
وفوق غد آتي
لكنه أصم.. ابكم
يضع من مشاهد التلاقي
بصيص أمل يحكي
التمرد في سفري
عفواً سيدتي
أدني بالماضي العظيم
حيث يعصي علي الحلم
في همس الكلام
وفي أجساد الصغار
وفي آهات الكبار
فلا تعبت خيلي
علي سهود الألم
ولا هدهدت حقولي الأحزان
أو تشابكت ظنوني العطشي
في عوالمي الكبري
عفواً سيدتي
فظلال الأمل حبلي
تأصلت في المدي
ونامت علي قطرات اليأس
فانبتت قشرة الجراح
والجراح لاهثت الخطي
تائهة في الطرقات
تختزل حلم يتكيء
علي شهوة رحيلي
عفواً سيدتي
لن تهدأ طالما
الرؤوس تهرول بالرعشة
وترفرف بلا رحمة
تتنهد الوعد سدي
تتحسس جرح الذاكرة
فلا تكف عن البكاء
في متاهات الخيال
وفي مسامات الرحيل
تتواري خلف الخطيئة
عندما يسقط الحزن
ويغوص في أنفاسي
حيثما تموج الأحلام
في خيمات العزاء
وتهدي ذاتي الممزقة
بصيص أمل الحياة
عفواً سيدتي
إلى أن نلتقي
أغلب الظن
ينبغي أن نلتقي
وإن لم يبق شيء
سوي نظرة شاردة
تغيب وتظهر حائرة
تمنع عنا حلم المساء
علي ضفاف نهر الأماني
عفواً سيدتي
ثمة شيء يهدي
الأحزان لتختبيء
ثم تمضي كالقاض
حيثما أكون ماض
تتمدد في احشائي اسفا
بعد أن ركبنا
علي ظهر صحوة العولمة
بتعاويذ تثاقلت في خطواتنا
وتاهت وسط التردي
وغرسنا الخوف سرا وجهرا
عفواً سيدتي
هل تأدجلنا علي التخلي
أم أصبحنا نتجلي في الإهانة
وتاجلنا حتي نهاية البلوي
ونحو الهتافات صرنا منهاجا
فانهمر الحزن والذهول
في أنفاس الغربة
وفي مسارات الرحيل
يتجدد الألم خلف الظل
عفواً سيدتي
فأنا علي الوعد القديم
من عمر الزمان
فبعد الطوفان أكتب عزا
وبعد العاصفة أخرج كنزا
بعيداً عن العقول المهمشة
التي لا تتلو كيف النجاة
ولا كيف أشعل نجمة المساء
فالنجوم أصبحت تعزي الحياة
عفواً سيدتي
فقد اوقفني الزمن
خارج حدود الوطن
كأني إنسان منفي
بلا غطاء أو مأوي أو هوية
بلا إبتداء أو حد أو حدود أو إنتهاء
أرايت كيف كانت المعاناة
تتجول وتتأصل هنا
عفواً سيدتي
إلى أن نلتقي
فأين نلتقي
هل نلتقي؟
ربما نلتقي
علي مائدة الأمل
ربما نمضي بالذكري
في رحلة اللقاء الأخير
ربما نكون طوعاً للاقنعة
بروح الاحتقار والانتكاسة
______
كلمات : سراج النعيم
________
يا سلام عليك سهرتنا
مبروك الليلة فرحتنا
بالسعادة زوفة جمعتنا
زاهية جميلة دنيتنا
سهرتنا الحلوه لمتنا
وفيها لقينا غايتنا
عروسنا الرايقه عزتنا
جميلة حلاتا جنتنا
عديلة وبيضه غمرتنا
عروسنا الليلة سرتنا
ضريرة وحنه جابتنا
ضوي جبينا ساحتنا
شوفو عريسنا ود العز
هلالو حلاتو ما زينا
بي بسمة جميله مر ضينا
عروسو الحلوه تهدبنا
يلا تعالو يا شبان
نحقق كل امانينا
تعم الفرحة دنيانا
وتبقي حياتنا بس زينا
________
مديت حبال ريدي اتجاهك
وبقيت افتش ليك
وما عرفت اصلو اتجاهك
رجعت للمواني والمرافي السمحة
والحلم الجميل
وفي المستحيل شفتك جايبه الاماني
بريدك انا
وشوقي ليك ابدا ما بقيف
ومدن ريدي تسال عنك
وحبي البنيتو منك
لا ليهو ساحل
لا ليهو قيف
ورجعت تاني للشوارع
والمحطات والرصيف
وفي الحروف انقب عليك
واسال الماضي والامر والمضارع
وفي ليالي الصيف
واخر الخريف بتجي
وبقيف معاك كل النزيف
_______
كلمات : سراج النعيم
________
غناوينا البنصدح بيها
يوم ورا يوم
بتنبع من مراسينا
وتبقي فرح
يسبق في خطاوينا
وحكاوينا بتجعل
من اماسينا فرح وجمال
راحة البال ودوام الحال
ينبع من عيون اطفال
لينا يدوم ويبقي الفال
ليوم بكره
زادنا في الترحال
وللاجيال نبني امال
غناوينا كلام بتقال
ويحكي عن موال
اريتو يدوم
وما يقصر المشوار
غناوينا تنور ليالينا
بالعديل والزين
وطفل حزين مصابح العيد
وما لاقي ليهو جديد
عشان يفرح ويبقي سعيد
مين برسم في شفاهو البسمة
او حتي يزرع فيهو الامل
وحاتكم انتو يا حلوين
غناوينا نفتش ليها
نحنا سنين
لا ملينا ولا كلينا
ولا زار قلوبنا انين
________
كلمات : سراج النعيم
________
شيلي خوفك من قليبك
وارمي عينيك في عيوني
اصلو عينيك هي ريدي
ونظرتك تمسح شجوني
نظرة منك واحدة تكفي
عايني لي الزول البريدك
لي قليبو الفيهو اشفي
شوفي كيف كاويهو ريدك
لي سنين راجي شوفتك
لي رموشك اقيف واعاين
ابدي اتامل عيونك
ما غرامك فيها باين
كم الم انتابني منك
ومن فراقك يا ملاكي
نظرة من عينيك واحدة
بيها بتوقف هلاكي
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
