________
مديت حبال ريدي اتجاهك
وبقيت افتش ليك
وما عرفت اصلو اتجاهك
رجعت للمواني والمرافي السمحة
والحلم الجميل
وفي المستحيل شفتك جايبه الاماني
بريدك انا
وشوقي ليك ابدا ما بقيف
ومدن ريدي تسال عنك
وحبي البنيتو منك
لا ليهو ساحل
لا ليهو قيف
ورجعت تاني للشوارع
والمحطات والرصيف
وفي الحروف انقب عليك
واسال الماضي والامر والمضارع
وفي ليالي الصيف
واخر الخريف بتجي
وبقيف معاك كل النزيف
_______
كلمات : سراج النعيم
________
غناوينا البنصدح بيها
يوم ورا يوم
بتنبع من مراسينا
وتبقي فرح
يسبق في خطاوينا
وحكاوينا بتجعل
من اماسينا فرح وجمال
راحة البال ودوام الحال
ينبع من عيون اطفال
لينا يدوم ويبقي الفال
ليوم بكره
زادنا في الترحال
وللاجيال نبني امال
غناوينا كلام بتقال
ويحكي عن موال
اريتو يدوم
وما يقصر المشوار
غناوينا تنور ليالينا
بالعديل والزين
وطفل حزين مصابح العيد
وما لاقي ليهو جديد
عشان يفرح ويبقي سعيد
مين برسم في شفاهو البسمة
او حتي يزرع فيهو الامل
وحاتكم انتو يا حلوين
غناوينا نفتش ليها
نحنا سنين
لا ملينا ولا كلينا
ولا زار قلوبنا انين
________
كلمات : سراج النعيم
________
شيلي خوفك من قليبك
وارمي عينيك في عيوني
اصلو عينيك هي ريدي
ونظرتك تمسح شجوني
نظرة منك واحدة تكفي
عايني لي الزول البريدك
لي قليبو الفيهو اشفي
شوفي كيف كاويهو ريدك
لي سنين راجي شوفتك
لي رموشك اقيف واعاين
ابدي اتامل عيونك
ما غرامك فيها باين
كم الم انتابني منك
ومن فراقك يا ملاكي
نظرة من عينيك واحدة
بيها بتوقف هلاكي
________
كلمات : سراج النعيم
_______
يا ام الهوي ولحن الجمال
يا بدر هلا واكتمل
هيبة وجلال
منك الوصال
يا نغمة عانقت الشمال
فيك المحاسن فطرة وخيال
بذكراك غني وطرفي جال
ولقاك زارني وغيمي شال
يا دعاش نسمة خريف
يا امل راجيو لطيف
انت الكلام عندك بقيف
يوم اشوف حسنك وصيف
انا لي معاك احتمال
يا لوحة الحب والجمال
انت ست الكل مثال
منقوشة بي احرف دلال
_________
كلمات : سراج النعيم
_________
مين بكتب غنية
في زمن الحب حرام
مين بصحي الشمس الهامدة
ويعيد الحق للناس الصامدة
مين بشيل الفكرة
الامل.. الوعد
واحلام يوم بكرة
الفيها الخير والذكري
الفيها الحاضر احلي
بكرة تعالي بالفرحة
في ايديك حنة
وشتلة ريد ومحنة تتفتح زهورا
وتبقي الدنيا جنة
فيها املنا البنتعشم بيهو
من زمنا روح
فيها ايامنا بتبقى غرامنا
وريدتنا اكيد ما بننساها
وكيف ننساها وهي مباحة
تعالي نفرح جوه الجنة
نصحي الفرح السافر
نعيدو املنا
نبنيهو طنا ويصبح جنة
ما انتي الحضن الدافي
وانتي الفيكي محنة
امحي ظلام الحاصل عنا
وعيدي أملنا
يا بلسمنا ويا عصفورنا
الهاجر ورك داخل جنة
صحي الفرح السافر
هدي الحزن الساكن فينا
قبل ما نتكلم او نصمت
قبل ما تذبحنا الاوهام
قبل ما تفضحنا الايام
قبل ما تتهاوي او تتساقط منا الاحلام
________
كلمات : سراج النعيم
_________
احكي عن ريدتنا هسه
ابقي نغمة واطوي صفحة
عن مشاعرك نحوي صارحي
يا الخواطرك فيني همسه
عن مسافر شايل اسفو
في الدفاتر شابفه اسمو
دي المهاجر وشوقو رسمو
تاه وفاكر عشقو حسمو
مين بدونك حس بيهو
وين مثيلك وانتي فيهو
سبت ناسك وجيت براك
عشت احساسك رجيت هواك
ابقي لي اجمل سفر
داير اقيم حتي لو كمل الدهر
وتاني ما اظن ارجع وتر
حاير الغيم رشح المطر
_______
كلمات : سراج النعيم
________
يا سيد الدلال والحب
ما تبقي قاسي عنيد
لو انت دايرو اذاي
انا بي اذاي رضيت
ما دام رضيتو عذابي
انا بي عذابي سعيد
انت قاسي وهاجر
انت تظلم حبي
وليهو ضاعف وزيد
ما انت طلت عيد
يا سيد الجمال والريد
كنت بفرح بيك
يوم كان المراد بالايد
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
