________
كلمات : سراج النعيم
________
نتفق او نختلف
نحتجب او نتعرف
المهم يبقي الولف
ويبقي ريدنا المختلف
ريد كتير ما بتوصف
والجرح زايد نزف
الخيال في العين يرف
والدموع تملا وتجف
لو قلوبنا بتاتلف
ما اظن يوم نختلف
ليك مشاعري بتنجرف
وبي هواك انا بعترف
وصفي فيك زان الحرف
وفي الوداد ما بنختلف
_________
كلمات : سراج النعيم
_________
فتشت عليك مكان مكان
حتي صحاري الريد والذكري
وانت بعيد وما هاميك
انو الريد البينا ما بكره
ليه تتجاهل لحظة ود
كنا نظاري عليها لي بكره
وكنا بنحلم بي افراحنا
شايله معاها زهورنا العطره
مرافي الشوق بتسال عنك
وحتي ضفافنا بنظر ليك
وانت في صدك زايدو عناد
وانا المجنون هالكني هواك
يعني خلاص نسيت العشرة
واتجاهلت الريده البينا
وين اخلاصك وين همساتك
زمن ما كنت علي حنين
دفنت الماضي بكل جراة
وانت ما عارف ريدك فينا
الله معاك والله عليك
انت براك اخترت الشينة
________
كلمات : سراج النعيم
________
انا ما خنتك اصلي محال
ولا فكرت اسيبك لحظة
الا براك غيرت طريقك
انا استاهل منك لسه
لاني وهبتك كل حواسي
شلتك تاج فوق راسي
خوفت عليك كتير دسيتك
وما خليتك لحظة تقاسي
وانا استاهل منك لسه
بعت ضميرك وما راعيتني
بالهفوات يا ما شقيتني
هدمت البينا وفجاة نسيتني
كنت بحبك ليه خليتني
وانا استاهل منك لسه
لاني اخترت دون الناس
وهبتك اغلي احساس واحساس
معقول الصيف يجيبلو دعاش
_______
كلمات : سراج النعيم
_______
تحاولي الليلة بتفتكري
وتبكي مساك وتنتظري
رديتو عليك عذاب الريده
وخليتو يا ناس كمان حبي
سحرتني مشاعرك حسيتك
ساهرت معاك ورجيتك
خدعتني دموعك ونسيتك
ورضيتو جفاك من بدري
لا جاي اغالط في الماضي
ولا اتمني اشوفك انا تاني
تحاولي الليلة بتفتكري
وين الريده البينا حديقة
وكلمة ريد جوانا وثيقة
خلاص هديتو براك في دقيقة
واتناسيتنا بدون ما تعرف
انو الريد جذورو عميقة
تحاولي الليلة بتفتكري الليلة بتفتكري
__________
كلمات : سراج النعيم
__________
صباح الخير بلادي انا
صباح الوردة والياسمين
صباحك فرحة وكلو فنون
صباح اخضر صباح شعري
مزارع شال عشم باكر
وعليك اندلي من بدري
بصارع في رياح احزان
وعشقك زاد يكون دهري
صباح الخير بلادي انا
بقيف طول العمر اجلال
عشانك يا وطن ممدود
ارتل ليك في القران
بلد فرسان اسود ضارية
بتحمي ثراك مهما يكون
ونيلك رحمة للظمان
وارضك خيرا خاتي القول
ومهما يراعي فيك بقول
ما بوفيك حاشا اصول
لانك انت احلي قصيد
وراسمال العشم والقول
يا حلم ضاوي الدروب
فيك كم شقيان يروق
لانو عطفك انت ما في
وبالحنان مليان ذوق
صباح الخير بلادي انا
فيها مهيرة وفيها بنونة
وفيها مليون حلمه جاية
وفيها شعوب بتخط مسيرة
وفيها معاناة الغالابة
وفيها دموعك في سحابة
وفيها حياة اجدادنا اية
ترهاقة باين في شموخة
وكم سجلات في البطولة
وكل ارقام الرجولة
عالية كان يصعب وصولا
نفسي اكتب ليك واغني
وفي الحنايا وقصب عيني
لانو يا بلدي الحضارة
منقوشة في الاعماق تمني
دمتي يا بلدي العزيزة
يا فرح جواي غني
وراحل هسع عني مروح
اقيف يا غالي قبل ما تروح
ابقي دقيقة واتاني وانسي
قاسية الغربة وراك بتقسي
ترابنا الغالي ما في بديلو
ونيلنا حلاتو وكت ما يرسي
والطابية زينا تاريخ واصالة
وكيف ننساها ونرحل هسع
اقيف مع ذاتك لحظة وقرر
اوع تفكر ترحل وتنسي
_______
كلمات : سراج النعيم
_______
كلك ذوق
وما بتجيب
كلام بي فوق
رقيق وانيق
ريحة الصندل المحروق
رشيق ورزين
كل اوصافي ما بتحوق
امير وجميل
تقول من القمر مخلوق
اظهر يا جميل
او بان عليك امان
كتلت الناس عديل بالشوق
اظهر وبان
ليونة البان
ومن البانة زايد فوق
اظهر في الاصيل يا جميل
او قبل الشروق بقليل
عشان ما تبان عليك حروق
اظهر وبان
عشان دمي المعكر يروق
اظهر وبان
عليك امان
وكلك ذوق
________
كلمات : سراج النعيم
_________
نحلم بالسعادة
وتخضر الوسادة
تتفتح زهورا
من قبال ميعادة
حبنا زاهي صادق
من اول بداية
مبني علي الصراحة
صافي النوايا
لا عازل يطولو
لا بتطويه وشاية
حبنا نحن ازلي
ما بعرف نهاية
ما نحن صفاتنا
ناس بنعزك انت
الافراح جوانا
والحزن ختانا عدا
جاورتنا الاماني
ندهناها جاتنا
كل اصيل نحبو
نزيد في ريدو برضو
وحيات حنانا ليهو
قلوبنا وراهو بشقو
ابقي تعال علينا
ووصل شوفنا حدو
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
