_______
كلمات : سراج النعيم
_______
تحاولي الليلة بتفتكري
وتبكي مساك وتنتظري
رديتو عليك عذاب الريده
وخليتو يا ناس كمان حبي
سحرتني مشاعرك حسيتك
ساهرت معاك ورجيتك
خدعتني دموعك ونسيتك
ورضيتو جفاك من بدري
لا جاي اغالط في الماضي
ولا اتمني اشوفك انا تاني
تحاولي الليلة بتفتكري
وين الريده البينا حديقة
وكلمة ريد جوانا وثيقة
خلاص هديتو براك في دقيقة
واتناسيتنا بدون ما تعرف
انو الريد جذورو عميقة
تحاولي الليلة بتفتكري الليلة بتفتكري
__________
كلمات : سراج النعيم
__________
صباح الخير بلادي انا
صباح الوردة والياسمين
صباحك فرحة وكلو فنون
صباح اخضر صباح شعري
مزارع شال عشم باكر
وعليك اندلي من بدري
بصارع في رياح احزان
وعشقك زاد يكون دهري
صباح الخير بلادي انا
بقيف طول العمر اجلال
عشانك يا وطن ممدود
ارتل ليك في القران
بلد فرسان اسود ضارية
بتحمي ثراك مهما يكون
ونيلك رحمة للظمان
وارضك خيرا خاتي القول
ومهما يراعي فيك بقول
ما بوفيك حاشا اصول
لانك انت احلي قصيد
وراسمال العشم والقول
يا حلم ضاوي الدروب
فيك كم شقيان يروق
لانو عطفك انت ما في
وبالحنان مليان ذوق
صباح الخير بلادي انا
فيها مهيرة وفيها بنونة
وفيها مليون حلمه جاية
وفيها شعوب بتخط مسيرة
وفيها معاناة الغالابة
وفيها دموعك في سحابة
وفيها حياة اجدادنا اية
ترهاقة باين في شموخة
وكم سجلات في البطولة
وكل ارقام الرجولة
عالية كان يصعب وصولا
نفسي اكتب ليك واغني
وفي الحنايا وقصب عيني
لانو يا بلدي الحضارة
منقوشة في الاعماق تمني
دمتي يا بلدي العزيزة
يا فرح جواي غني
وراحل هسع عني مروح
اقيف يا غالي قبل ما تروح
ابقي دقيقة واتاني وانسي
قاسية الغربة وراك بتقسي
ترابنا الغالي ما في بديلو
ونيلنا حلاتو وكت ما يرسي
والطابية زينا تاريخ واصالة
وكيف ننساها ونرحل هسع
اقيف مع ذاتك لحظة وقرر
اوع تفكر ترحل وتنسي
_______
كلمات : سراج النعيم
_______
كلك ذوق
وما بتجيب
كلام بي فوق
رقيق وانيق
ريحة الصندل المحروق
رشيق ورزين
كل اوصافي ما بتحوق
امير وجميل
تقول من القمر مخلوق
اظهر يا جميل
او بان عليك امان
كتلت الناس عديل بالشوق
اظهر وبان
ليونة البان
ومن البانة زايد فوق
اظهر في الاصيل يا جميل
او قبل الشروق بقليل
عشان ما تبان عليك حروق
اظهر وبان
عشان دمي المعكر يروق
اظهر وبان
عليك امان
وكلك ذوق
________
كلمات : سراج النعيم
_________
نحلم بالسعادة
وتخضر الوسادة
تتفتح زهورا
من قبال ميعادة
حبنا زاهي صادق
من اول بداية
مبني علي الصراحة
صافي النوايا
لا عازل يطولو
لا بتطويه وشاية
حبنا نحن ازلي
ما بعرف نهاية
ما نحن صفاتنا
ناس بنعزك انت
الافراح جوانا
والحزن ختانا عدا
جاورتنا الاماني
ندهناها جاتنا
كل اصيل نحبو
نزيد في ريدو برضو
وحيات حنانا ليهو
قلوبنا وراهو بشقو
ابقي تعال علينا
ووصل شوفنا حدو
________
كلمات : سراج النعيم
_________
مخدوع خدعة العاشقين
يا قلبي الملان تحنان
حاشاك ما بتعرف تشيل وشين
ما انت غالي الغالين
ما بهمك كلام واشين
وبي الفاتحة بتقول امين
يا الانتي لي تبيان
خليك هنا معاي سنين
خليك في قلبي امان
انا بجيك
وقلبي دا الزمان
حبابك عشرة في دربو
ما انت محيط ممتد
فرحتك فيها الحب عنوان
بسمتك فيها الود مزدان
يلا اتقدم وامسح الاحزان
يا روح من روح فنان
ما كا بتهدي هوانا الكان
واقع في دا المكان
________
كلمات : سراج النعيم
_________
انساهم يا قلبي
سيبهم في المدي الشاسع
خلي مراكب الايام تعدي
ذكري في رحم الماضي
وصرخة في وادي العشم
انساهم يا قلبي
ما تضيع عمر واهب فرح
والباعك يا قلبي
بيعو بي ابخس ثمن
ما تغلي الرخيص بكره تندم
حرام تتوه وتحتار
كم مخدوع ولم محروم
كم مسجون وكم مظلوم
بفتش في سكة العدم
انساهم يا قلبي
اختصر الزمن وما تتالم
جافي الجرح الشال ونور
غض الطرف وما تتكلم
خليك مع حلم الوصول
ايه يفيد مجروح
كحل عيون الليل صبر
بغالب في دموع الندم
عايش ظلم في ظلم
_________
كلمات : سراج النعيم
_________
شوف كم مرة كلمتك
وانت مشيد فيني صمتك
يا الجوه قلبي سكنتك
ما فكرت اصلو اسيبك
ويا ما بالحب كتير علمتك
كفاية اني بالريد نظمتك
وجاي تقول برضو ظلمتك
اموت بس واعرف حقيقتك
كيف تقول اني اهملتك
الله يسهل عليك ارحل
ما هو مكتوب علي فرقتك
والمكتوب ما منو مهروب
ما دي قسمتي ودي قسمتك
خلاص فارقني شيل صورتك
ما تخلي ليها اثر وراك
ومهما حنيت لي تاني
انا تاني ما بدور معرفتك
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
