_________
كلمات : سراج النعيم
_________
يوم رحيلك من ديارنا
عم الحزن كل الدروب
حتي الصباح طل حزين
والشمس غطاها الغروب
ليه بتبعد عن عيونا
يعني مرتاح في غيابك
ونادي انت تعيش بدونا
نحن تعشق لوجودك
نبقي في غيابك بننزف
الدموع تلهب جفونا
انت مالك للمشاعر
وكل اسرار القلوب
انت لو ريدك جريمة
نحن ما دايرين نتوب
________
كلمات : سراج النعيم
________
كنت بحسب
في سنين الغربة
في تعب السفر
راجي فرحة تطل تشوفنا
بهجة لي باقي العمر
وفرحة اطفالنا وصغارنا
بسمة لي كل البشر
لما جيتك كنتي غايبة
رحلتي في موج القدر
خليتي بعدك خصلة تايه
خصلة من باقي الشعر
ورحتي انتي بعيده عني
خليتي لي ذكري وصور
وبقيت انا تاني راجع
تاني للمر والسهر
عشان اغيب من دنيتك
ما حالي اصبح ما بسر
ح اعيش وحاتك زولا غريب
ارسم ملامحك بالشعر
___________
كلمات : سراج النعيم
___________
ماساة الزول الفتش حنك
وكايس عنك وكلو حنان
ماساة القول الانعش فنك
وكاتب ليك بحس فنان
بيحاول يحكي وقولو يبكي
فيثارة شدو شقي الالحان
بسايل فيك وجنبو عينيك
اثارة شجنو البشكي زمان
ليه توهتي غرامو القاصدك
يا الصفيتي احساس الجوك كمان
اتيه واتهنا زمانو العاشقك
يا الوصيتي الناس يلقوك كيان
كان يا غالية بعادك وغدرك
وكنت معاك كلي جراح واحزان
________
كلمات : سراج النعيم
________
أوتار عازف الأحزان
تعزف لحنا شجينا
تذرف دمعا ثخينا
في أصيل أوتار الغروب
وسمار روض الاشجان
تعزف حسنا شجينا
تواري في دثار
سطوة النصر اللعوب
الآليت النزيف
وكيف ناديت الحصيف
أيها المفتون شيد
في فناء الجنة قصرا
ثم نادي في الصديقين
إني مهيد
قد كان دوماً
في الحنايا
قد كان يجري
في الخلايا
في شفاف القلب
يسكب
في طواف الدرب
قلما رقيقا يكتب
خبرا دقيقا
لا يكذب
أو في دنيا الفن
باللحن يسكب
قولاً
رقيقا
يا قلب أحزن
لفراق رفيق الدرب
ذلك الذي أختاره
الرب
ليكون في اسمي الجنان
_______
كلمات : سراج النعيم
_______
تحاولي الليلة بتفتكري
وتبكي مساك وتنتظري
رديتو عليك عذاب الريده
وخليتو يا ناس كمان حبي
سحرتني مشاعرك حسيتك
ساهرت معاك ورجيتك
خدعتني دموعك ونسيتك
ورضيتو جفاك من بدري
لا جاي اغالط في الماضي
ولا اتمني اشوفك انا تاني
تحاولي الليلة بتفتكري
وين الريده البينا حديقة
وكلمة ريد جوانا وثيقة
خلاص هديتو براك في دقيقة
واتناسيتنا بدون ما تعرف
انو الريد جذورو عميقة
تحاولي الليلة بتفتكري الليلة بتفتكري
_______
كلمات : سراج النعيم
________
يا مغروره بنسي الكان
وراضي قليبي يبقي وحيد
وبسيك انت لي حالك
يفوتك بس قطار الريد
منو الشالك كتير جواهو
وكاتب فيك احلي غني
منو العزاك دون الناس
منو الاداك كل احساس
منو الحباك بي اخلاص
وبرضك زايده في عندك
وايره تجملي الاحساس
حاجات فايته ما مني
بكره بتندمي وياما
تقولي الردتو ظالمني
تقولي كلام في كتير
كلام عكس الحقيقة تمام
تشيلو الريح تودي بعيد
ويبقي غرورك هو الهدام
________
كلمات : سراج النعيم
________
انا وعينيك لحظة سكون
ديمه بنحلم بيك يومي
راجين زمانك وطلتك
شان افارق كل همومي
يا نور حياتي العالي بان
يا فرح كل الاماسي
يا ملاذات الامان
ما لو قلبك لي قاسي
كان مناي في الدنيا جد
تشيلي من عيني نعاسي
وابقي احلم بيك
وبي عبير افراح مراسي
مدي ايديك وتعالي
اريتك لي وشوفي حالي
انا حالي باين دونك
وانت في جواي وبالي
ولما ترجع لي تاني
تملي دنياي الاماني
والنيل يبشر بي قدومك
والضفة تديك التهاني
وحتي موج احساسي يهدا
يا فرح جاني وغشاني
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
