_______
كلمات : سراج النعيم
_______
تحاولي الليلة بتفتكري
وتبكي مساك وتنتظري
رديتو عليك عذاب الريده
وخليتو يا ناس كمان حبي
سحرتني مشاعرك حسيتك
ساهرت معاك ورجيتك
خدعتني دموعك ونسيتك
ورضيتو جفاك من بدري
لا جاي اغالط في الماضي
ولا اتمني اشوفك انا تاني
تحاولي الليلة بتفتكري
وين الريده البينا حديقة
وكلمة ريد جوانا وثيقة
خلاص هديتو براك في دقيقة
واتناسيتنا بدون ما تعرف
انو الريد جذورو عميقة
تحاولي الليلة بتفتكري الليلة بتفتكري
_______
كلمات : سراج النعيم
________
يا مغروره بنسي الكان
وراضي قليبي يبقي وحيد
وبسيك انت لي حالك
يفوتك بس قطار الريد
منو الشالك كتير جواهو
وكاتب فيك احلي غني
منو العزاك دون الناس
منو الاداك كل احساس
منو الحباك بي اخلاص
وبرضك زايده في عندك
وايره تجملي الاحساس
حاجات فايته ما مني
بكره بتندمي وياما
تقولي الردتو ظالمني
تقولي كلام في كتير
كلام عكس الحقيقة تمام
تشيلو الريح تودي بعيد
ويبقي غرورك هو الهدام
________
كلمات : سراج النعيم
________
انا وعينيك لحظة سكون
ديمه بنحلم بيك يومي
راجين زمانك وطلتك
شان افارق كل همومي
يا نور حياتي العالي بان
يا فرح كل الاماسي
يا ملاذات الامان
ما لو قلبك لي قاسي
كان مناي في الدنيا جد
تشيلي من عيني نعاسي
وابقي احلم بيك
وبي عبير افراح مراسي
مدي ايديك وتعالي
اريتك لي وشوفي حالي
انا حالي باين دونك
وانت في جواي وبالي
ولما ترجع لي تاني
تملي دنياي الاماني
والنيل يبشر بي قدومك
والضفة تديك التهاني
وحتي موج احساسي يهدا
يا فرح جاني وغشاني
_______
كلمات : سراج النعيم
________
متين بنفرح بي قدومك
يا امل راجين غيومك
شان دعاش الريده يرجع
ولينا ترجع ما بنلومك
دي النجوم من يوم ما فت
شاردة تسال عن مكانك
والزهر يا قلبي برضو
زي بسال عن حنانك
كيف تكون دنياي بعدك
ولسه في جواي شانك
يوم ريدك فيني بكر
معاهو بتكبر امنيات
خلي بالك ابقي عارف
واذكر الماضي اللي فات
كيف تسيب فرحتنا ترحل
وانت حبك باقي زاد
وغنوة بتحرك مشاعر
شايله من ذاتك صفات
يلا ارجع لي بتلقي
وردة راجياك وسنبلات
_______
كلمات : سراج النعيم
________
غناوينا البنصدح بيها
يوم ورا يوم
بتنبع من مراسينا
وتبقي فرح
يسبق في خطاوينا
وحكاوينا بتجعل
من اماسينا فرح وجمال
راحة البال ودوام الحال
ينبع من عيون اطفال
لينا يدوم ويبقي الفال
ليوم بكره
زادنا في الترحال
وللاجيال نبني امال
غناوينا كلام بتقال
ويحكي عن موال
اريتو يدوم
وما يقصر المشوار
غناوينا تنور ليالينا
بالعديل والزين
وطفل حزين مصابح العيد
وما لاقي ليهو جديد
عشان يفرح ويبقي سعيد
مين برسم في شفاهو البسمة
او حتي يزرع فيهو الامل
وحاتكم انتو يا حلوين
غناوينا نفتش ليها
نحنا سنين
لا ملينا ولا كلينا
ولا زار قلوبنا انين
________
مديت حبال ريدي اتجاهك
وبقيت افتش ليك
وما عرفت اصلو اتجاهك
رجعت للمواني والمرافي السمحة
والحلم الجميل
وفي المستحيل شفتك جايبه الاماني
بريدك انا
وشوقي ليك ابدا ما بقيف
ومدن ريدي تسال عنك
وحبي البنيتو منك
لا ليهو ساحل
لا ليهو قيف
ورجعت تاني للشوارع
والمحطات والرصيف
وفي الحروف انقب عليك
واسال الماضي والامر والمضارع
وفي ليالي الصيف
واخر الخريف بتجي
وبقيف معاك كل النزيف
________
كلمات : سراج النعيم
________
سنين مع قسوة الايام
بفتش عن امل مجهول شايل قلبي ظلم الريد
فترت خلاص غلبني القول
بسال نفسي واتعجب
حبي الراح منو المسئول
سنين تايه مع الاحزان
من الاحزان بقيت مذهول
كل ما ابدا قصة ريد
يقسو حبيبي يمشي بعيد
انا المجروح خلاص هميت
نفسي اعيش ونفسي اريد
اشوف الدنيا تبسم واعيش حياتي ابقي سعيد كل احلامي تتحقق
وتبقي حياتي اجمل عيد
بس الدنيا ظلمتني
شفت غذابه شفت الويل
سنين هجري وسنين حرمان
سنين دمعاتي تجري تسيل
واتحسر علي قلبي
قلب مضيوم وديمه عليك
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
