________
كلمات : سراج النعيم
________
ما كنت فاكر انك
انت تكون مجافي
وين حنانك لي ذاتو
وين شعور نظم القوافي
ولسه في جواي غناك
يا ربيع كل الفيافي
يا حلم راجيهو باكر
لوحة في دنياي تصافي
ديمه بحلم بي قدومك
اصلي ما ممكن الومك
بكره قلبك نارو ترسي
وترحل الانات همومك
ما كنت فاكر في عنادك
بتبقي مرتاح في بعادك
وين ربيع الريد حنانك
حليل قليب مشتاق ورادك
يصارع ديمه في الاحزان
وصار جواهو ميلادك
انت بعيد وما هاميك
وديمه قليبي يوت طاريك
وفي نص الضلوع متوهط
وكل حواسي الله عليك
_________
كلمات : سراج النعيم
________
لما جاتني حقيقة امرك
كنت مستغرب كتير
ما عرفت كيف صدقت وعدك
وفرشتو في دربك حرير
ما كا زي ما كنت اول
في غرورك ذتا حبه
مره دون اسباب تخاصم
باني من الحبه قبه
وماشي تدلل علي
ما في في عينيك محبه
شيل خطاويك عني ارحل
وتاني ما ترسل رسالة
ما المسافة البينا ابعد
وديمه بتزيد في مجاله
والغرور الفيك مهجن
والعيون باينه استحاله
ومهما قلبك تاني جاني
ما بتلقي في جواي مكانه
اصلي رافضك بي غرورك
وعواطفي طبعا ما مدانه
_________
كلمات : سراج النعيم
_________
كنت قايلك ما بتجافي
والزمن يرجع يصافي
في غيابك كنت عايش
كلي وحشه وفي المنافي
يا حروف منظومة غنوة
يا قصيدي وشوق قوافي
كيف تفكر في بعادنا
دا الحكيم كيفن بجافي
مره اغفر ومره سامح
ما السماح من طبعك انت
وينو عطفك وينو حنانك
ما كتير بتريدنا كنت
يا امير في طبعو عالي
يا حنان الريد وسيدو
يا ملك بالحب حكمت
________
كلمات : سراج النعيم
_________
انا مستني
لو تتذكر عاشقك مره
اصلو الدنيا بدونك انت
قاسية ومره
وبيك بتأكيد انو حياتي
صافية وحره
وانو عيونك مهما تقسي
في يوم حتجينا
لانك برضك غالي علينا
يا مجافينا وما بننساك
تعال صافينا
ومهما يطول صدك وهجرك
زيدو رضينا
لا بنخاصمك لا بنعاتبك
ما انت الزول الغالي علينا
بقولوا جفيتنا نقول مشقول
بقولوا نسيتنا ودا الما معقول
لانك اجمل زول
ديمه نفتش لي اعذارك
وما بنلومك يا ناسينا
لانك برضك غالي علينا
________
كلمات : سراج النعيم
_________
عذابات الانتظار
بتنادي في نبض الاسي الطال
ومتاهات الدروب
لا بتوصل لا بتدي الفال
وفي حنين الغروب
شوقي أصبح حالو حال
بشيلك دفقة ريد
انسي بيك طول المسافة
واعبر متاريس المحال
عذابات الانتظار
بتبقى للاحزان سؤال
متين اللقيا بيك تكون
وانت العارف الانسان
لمين الشوق شموس تنير
ويهل قمر الأماسي الكان
_________
كلمات : سراج النعيم
_________
يا قلبي لازم تنسي
وتنسي الغرام من هسع
ما تخدعك بسمة
في زيف الغرام ترسي
قالوا البخون مرات
ما نمشي في دربو
خليهو وانسي الكان
خليهو لي قليبو
وشيلو من ذكراك
القاسيه من صدو
اصلو البحب صادق
برجاك بي ودو
سيبو وانسي خلاص
مصيرو ليك يعود
دمعاتو والاهات
نازله بانيه خدود
غلطاتو والهفوات
باعك بدون اسباب
خلاك انت وحيد
في سكة من دون باب
قصدو عذابك وبس
والله الكريم تواب
_______
كلمات : سراج النعيم
_________
يوم ضليتي درب الريد
منو الرجع خطاك علي
وختاك في سواد العين
وغناك بي رموشو قصيد
ولماك بي حنان دفاق
وفي شريانو صرتي وريد
خلاص نسيتي ريدنا الكان
وكيف دنيانا تصبح عيد
وجروحي اللسه ما طابت
اذاي اليومي اتاري بزيد
وانا المستني منك ردك
لانو شقاي فات الحد
نجوم الليال بتشهد لي
طال سهر الليالي امتد
ولساي بتهجي في حروفك
لقيت درب الغرام سد
وحتي خطاي ما لاقيا
اثر لخطاك هسع تب
يا الضليتي بكره قريب
مصيرو الغاب بجيبو الحب
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
