صفحة العريشة بصحيفة الدار

النجم المصري ياسر فرج وشخصي سراج النعيم

زيف الحس

كلمات : سراج النعيم

________

انسي وسيب النسيوا حنانك

وطيبتك وقيسوا

انسي وعيش حبيب للطيبة

في اسمي معاني زمانك

اوع تفكر في البايعنك

ديل عايزنك يوم تتالم

لا تستسلم ديل ظالمنك

ولا عارفين معني مشاعرك في وجدانك

من فيض احزانك انسج لوحة

وطرز احلي وميض لدوحة

واسمو واعلا وضمد جرح الطعنة

الطعنة المابتموت فرحة

الطعنة الما بتموت لحظة

صدق بعيشها معاك ياروعة

واه من زمنا

علم زيك زيف الحس

واه من حضنا 

سلم حضنك

مرسومة في خاطر الزمان

كلمات : سراج النعيم

__________

انا جد بعزك

وبوفي ليك

وخاتيك في ارفع مكان

وسافرت ليك

رغم الصعاب

كان القي 

في ظلك امان

يا بهجة يا احساس عميق

يا روعة زينتي المكان

وسطرت فيك اروع حروف

مرسومة في خاطر الزمان

وعبرت عن احساسي بيك

يا غالية في اجمل خطاب

واصبحت من بعدك

اسير

 متوسد الهم والعذاب

وضحيت عشان عينيك كتير

ما لقيت وراك غير السراب

ودفقت مويتي علي الرهاب

الطاف

كلمات : سراج النعيم

________

حير هواك عقلي

يا كامل الاوصاف

يا لوحة من وديان

خطفت عيون الشاف

مليانة ريد وحنان

مزدانة ود وعفاف

كملت كل الصفات

يا رايعة يا الطاف

في المشية تتني

تتحدي ريم غزلان

وفي البسمة بتشابه

برقا شلع عجلان

في عيونا شفت الويل

بي سهاما متنا زمان

الروعة ليك عنوان

مخلوقة من نوع خاص

ما بشبه الانسان

يا اهلنا جنينا

تعالوا شوفوا الحور

بتبدل الاحزان

لي ريد وحب وسرور

في مرة لو طافت

لي جارة ماشه تزور

بتجمد الاحساس

واتكشف المستور

وتكوينا بي ناره

وفي عذابا نقضي دهور

وتكتلنا بي ريده

الريدة يا غالي

كلمات : سراج النعيم

________

الريدة يا غالي

طوالي في زيادة

وحبك بقالنا قدر

خلانا في عبادة

يا روعة الابداع

الحالي انشادة

يا فرحة الايام

يا أميرة يا غادة

اليوم بقالنا طويل

راجنو شان نرتاح

وامالنا فيك شقي

بنفتش الافراح

يا ثقر طعمو حنان

زي روعة التفاح

ملينا سفرك طال

والنور بقالنا ظلام

نتعشم الاحزان

بي فرحة الايام

لو كان عذابنا  ضاك

بنضوقوا أعلي مقام

لو كان جزانا صدود

في الصمت نلقي كلام

شان انت سيد الناس

شان عشرة الايام

نستني تاني تحن

ورضاك اغلي غرام

اعتراف

كلمات : سراج النعيم

_________

انسي الكلام والكان قبيل

وامسح معاك دمع الشقي

فتشت بعدك للفرح

صدقني غيرك ما اتلقي

انت الظروف انت الامل

انت الحنان الكان بقي

ضغت معاك طعم الالم

وما عرفت في دربك امان

ما شلت من عيني فرحة

واشتهت طعم الحنان

ولا المرح والانتظار

الكان زمان 

يا حليل زمان

لمان قليبك بيحتويني

ويودر السهر اللي كان