كلمات : سراج النعيم
________
روعة وكمان بلسم
مالك قليبي وكم
تشفيني انت رواك
دايماً تزيل الهم
ذكراك شوق بتعيد
ونظرات عيونك عيد
نرجاك بالترحاب
لهفة وحنان وشديد
وكتين تطل نرجاك
يا سامي في معاك
انت القلب والذات
انت الفرح يوم داك
يلاك تعال يلاك
اكمل غناي معاك
وتبقي لي براك
ويصبح هواي هواك
كلمات : سراج النعيم
________
يا شوق سريع ارحل
وزف البشري للغايبن
ووصيهم وقول ليهم
لو ساعات الفراق طالت
انحن البي الكتير ضايقين
علي لقاكم وذكراكم
علي حلما رجينا سنين
يا شوق سريع ارحل
وعلي دار الحنان بس مر
بنرجاك ونوصف ليك
احزانا ومعاني الضر
علي ناسا عزاز كانوا
وعلي ولدا فعايلو تسر
علي السمحة الفي الفريق قادله
علي النم والعديل بنجر
يا شوق كتير اشتقنا طلاتك
عشان ما تقوله للغايب
خلاص اشتقنا جلساتك
علي النيلين
وكم اشتقنا ضحكاتك
يا شوق قبل ترحل
اقيف جمب الفريق عاين
علي المدن البقت منفي
وعلي النيل اللفظ انفاسو
فوق لي القيف صبح خاين
معاك يا شوق
تكون ايامنا جد افراح
وبيك لي بكره بنعاين
_يا ست رموش عيني
يا ريت تعرفي البي
بهديك الف سلام
يا نور شعاع الضي
من قلبي جد بهواك
يا نسمة صيفية
اشواقي تستناك
بي شوق وحنية
لو مره عدي نسيم
شايل هواك ليا
تصبح حياتي نعيم
كيفن بلاك اكون
وانا قلبي ليك مشتاق
وانا بي هواك مفتون
كيف هان حناني عليك
وفي جواي جمرك حي
كلمات : سراج النعيم
________
روعة وكمان بلسم
مالك قليبي وكم
تشفيني انت رواك
دايماً تزيل الهم
ذكراك شوق بتعيد
ونظرات عيونك عيد
نرجاك بالترحاب
لهفة وحنان وشديد
وكتين تطل نرجاك
يا سامي في معاك
انت القلب والذات
انت الفرح يوم داك
يلاك تعال يلاك
اكمل غناي معاك
وتبقي لي براك
ويصبح هواي هواك
كلمات : سراج النعيم
__________
عشانك انتي
وخاطر احلي عيون
مشاعري تسافر
في جو مشحون
ونحضن احلي اماسي
ونسكن ياما رواسي
وننسي الكون
عشان حبي وغنياتك
عشان وحي وغاياتك
تبقي مرافي وهمس حنون
تشتلي فيني الافراح
ونشدو اغاني
تفصلي حني الاتراح
وتعدي مواني
يا نبض حنون
انتي الاصلك
ما اتغيرتي
ولا اتبدلتي
ما ضنيتي بوصلك
ما قصرتي
وياما قلبك
شال الكون
كلمات : سراج النعيم
_________
خوفي بكره تجيني تايه
في سكة ما بتعرف مدانا
ونبدأ نحلم بالاماني
ما انت احلامنا وصبانا
كنت قايل الريده باقيه
وما بننسي ايامنا وحنانا
بس لقيت حبك مخادع
وانا عشتو بي صدق وامانه
ومهما تباعد عيني برضو
ما بلومك يا هنانا
صدقني يا انبل عواطف
انت في جواي سكنت
وما بنسيب ريد احتوانا
ما العزيز الكان معانا
الليلة خاصمنا وجفانا
وناسي افراحنا وسنينا
العاشه في الايام معانا
كلمات : سراج النعيم
________
يا وعدا
عند الشروق وعند الغروب
أصدق أن تكون لك
شمسا تشرق وليلاً يعود
وصبحا بدفئه يجود
حتي لا تهمس اكواخ الحزن وتستبيد
وحتي لا يطوق التردي والتزمر
في وطني الجديد
نخطه ميثاق عهد
وندوزنه في احلي نشيد
وغداً يرقب دربنا
ممسكا بشمعة تقيد
ان القلب لفراقك
يرسم القلب شهيد
ويختزن في الدم
بلون لا يشبه الدم في الوريد
عامان من الرحيل المر
سرقتهما يد الزمان
يسكبان علي يدي مطرقة الحنان
كيفما تشاء وكيفما تريد
أعلم أن هضاب أرضك
تنجب الثوار
ألف ثائر ذو بأس شديد
قتلوا فلول جيشي بعزم أكيد
أأقبل الرهان أم احاربهم
ولجام مهرك يشدني للفرح
رايات النصر تهتف الفرح
الفرح من يعيد
ويصير الفرح حزننا
في مسرح يلوح من بعيد
وانفاس صوتك للمجوس لحنا
يلوح بالغد السديد
وغداً يأتيك عام
يسرق البسمة من الشفاه
والحزن يخيم في الداخل
ممزوجا بالماضي التليد
وذكري تعيد نفس الشريط
عرسا مزركشا وفرحا
في الخاطر فريد
ووجهك في تلك الليلة
يتراءاي لعيني ويحيد
بعد اليوم لا صبح ولا ليل
ولا شقف ولا ظلام يجمعنا
وتظل وذكراك في خيالي
انا الوحيد
فأنا من يبني وعدا
وتاجا ومذبحة في تغريد
وتظل تهمس كل اكواخ الحزن للفرح تبيد
يا غائباً
والوعد أصدق أن تكون
والقدر يرقب طريقنا
هل يعود النورس الحزين
ويسطر الفرح واقعا
لا حلما للحزن يعيد
والأرض تحتي تميد
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
