كلمات : سراج النعيم
________
روعة وكمان بلسم
مالك قليبي وكم
تشفيني انت رواك
دايماً تزيل الهم
ذكراك شوق بتعيد
ونظرات عيونك عيد
نرجاك بالترحاب
لهفة وحنان وشديد
وكتين تطل نرجاك
يا سامي في معاك
انت القلب والذات
انت الفرح يوم داك
يلاك تعال يلاك
اكمل غناي معاك
وتبقي لي براك
ويصبح هواي هواك
كلمات : سراج النعيم
__________
عشانك انتي
وخاطر احلي عيون
مشاعري تسافر
في جو مشحون
ونحضن احلي اماسي
ونسكن ياما رواسي
وننسي الكون
عشان حبي وغنياتك
عشان وحي وغاياتك
تبقي مرافي وهمس حنون
تشتلي فيني الافراح
ونشدو اغاني
تفصلي حني الاتراح
وتعدي مواني
يا نبض حنون
انتي الاصلك
ما اتغيرتي
ولا اتبدلتي
ما ضنيتي بوصلك
ما قصرتي
وياما قلبك
شال الكون
كلمات : سراج النعيم
_________
خوفي بكره تجيني تايه
في سكة ما بتعرف مدانا
ونبدأ نحلم بالاماني
ما انت احلامنا وصبانا
كنت قايل الريده باقيه
وما بننسي ايامنا وحنانا
بس لقيت حبك مخادع
وانا عشتو بي صدق وامانه
ومهما تباعد عيني برضو
ما بلومك يا هنانا
صدقني يا انبل عواطف
انت في جواي سكنت
وما بنسيب ريد احتوانا
ما العزيز الكان معانا
الليلة خاصمنا وجفانا
وناسي افراحنا وسنينا
العاشه في الايام معانا
كلمات : سراج النعيم
________
يا وعدا
عند الشروق وعند الغروب
أصدق أن تكون لك
شمسا تشرق وليلاً يعود
وصبحا بدفئه يجود
حتي لا تهمس اكواخ الحزن وتستبيد
وحتي لا يطوق التردي والتزمر
في وطني الجديد
نخطه ميثاق عهد
وندوزنه في احلي نشيد
وغداً يرقب دربنا
ممسكا بشمعة تقيد
ان القلب لفراقك
يرسم القلب شهيد
ويختزن في الدم
بلون لا يشبه الدم في الوريد
عامان من الرحيل المر
سرقتهما يد الزمان
يسكبان علي يدي مطرقة الحنان
كيفما تشاء وكيفما تريد
أعلم أن هضاب أرضك
تنجب الثوار
ألف ثائر ذو بأس شديد
قتلوا فلول جيشي بعزم أكيد
أأقبل الرهان أم احاربهم
ولجام مهرك يشدني للفرح
رايات النصر تهتف الفرح
الفرح من يعيد
ويصير الفرح حزننا
في مسرح يلوح من بعيد
وانفاس صوتك للمجوس لحنا
يلوح بالغد السديد
وغداً يأتيك عام
يسرق البسمة من الشفاه
والحزن يخيم في الداخل
ممزوجا بالماضي التليد
وذكري تعيد نفس الشريط
عرسا مزركشا وفرحا
في الخاطر فريد
ووجهك في تلك الليلة
يتراءاي لعيني ويحيد
بعد اليوم لا صبح ولا ليل
ولا شقف ولا ظلام يجمعنا
وتظل وذكراك في خيالي
انا الوحيد
فأنا من يبني وعدا
وتاجا ومذبحة في تغريد
وتظل تهمس كل اكواخ الحزن للفرح تبيد
يا غائباً
والوعد أصدق أن تكون
والقدر يرقب طريقنا
هل يعود النورس الحزين
ويسطر الفرح واقعا
لا حلما للحزن يعيد
والأرض تحتي تميد
انت سافر
________
كلمات : سراج النعيم
________
انت سافر بي سلامتك
ونحن نرجاك بي صبرنا
اصلو ما بننساك وحاتك
انت برضك افتكرنا
لما توصل لي مقامك
انت يا فرحة عمرنا
ابقي عشرة علي عيونك
الفيها كان روعة شعرنا
وابقي عشرة علي قلوبنا
كان لحقت خطاك وغادرتنا
ابقي سالم لي خيالنا
وكتين يصافح لي عيونك
بي كل شوق يشرح امرنا
ويحكي ليك عن عذابنا
واشتياقنا وقل صبرنا
انت سافر وبرضك اعرف
كل يوم من غيرك انت
ما بنحسبو من عمرنا
وكل ساعة تمر علينا
خالية منك
اصلو ما بتشغيل عقلنا
ما انت مفتاح لي غنانا
وروعة الحرف المعانا
وكل فرحة وانت غايب
فيها دمعاتنا وبكانا
سافر انت ونحن بعدك
نلقي في ذكراك عذانا
ونحسب الساعات عشانك
يا ضيانا ويا فرحنا ويا بهانا
كلمات : سراج النعيم
________
ارجوك تجي
في المواعيد المحددة
في الزمان في المكان
يا حلوه ما تتحججي
ارجوك تجي
باسمه فكره وطايره فرحة
فاكه خصلة ولافحة طرحة
بيك يتجدد فرحنا
وبين نخيلك نلقي راحة
نلقي راحة وانشراحة
الغرام نحفظ دروسو
نقرأ صفحة ونبدأ صفحة
لولقاك الغالي غرب
الغروب يهديهو لوحة
والغناوي يزيد حنانا
والشعر يبغالو معني
ونسمو لي قمة هنانا
زي حنين قاد الخليل
لي أم ضفاير
ولي عروسه العازة ساير
وانا وانتي نوصل مبتغانا
وبيك يا اللونك شفيف
لون سماوي
العبير منك يضوع
للعليل يشفي ويداوي
يا هوانا ومبتدانا
يا عمرنا ومنتهانا
ما الكلام عندك سكت
لما جن الليل جنونو
جاتني حبوبه وحكت
رددت اسطورة
من زمن التصافي
وفجأة مالت واتكت
اتوسدت ذكري وخيال
قبل ما ترقد بكت
والحجوة لسه علي الشفاه
رضعت من الدمعة وروت
كلمات : سراج النعيم
_______
يا حبيب خليك صريح
انا قليب ولهان وجريح
لا مره خلاك واستراح لا فارق الآلام نصيخ
اناديك في المدي الشاسع
نجوم الليل علي تشهد
بحسب فيها واتاني
حليلو عذابي فات الحد
تعال اسرع ولي ارجع
نتقاسم برنا الهم
يفوت حزن الليالي يروح
ويفضل بينا ريد بنتم
حاولت كتير اسيب دنياك
لقيت الذكري فيها الم
وما فارقني اصلو الهم
عديله خلاص راح نمشي
نسافر لي بلاد تانية
انا وانت وهواك والقلب
نجرتق ريدنا في ثانية
ويصير بينا العشم غنوة
افراحنا تعانق النجمة
وقلوبنا تغني فرحانه
يكون صبح العشم لما
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
