خلي بالك

__
كلمات : سراج النعيم
________
متين بنفرح بي قدومك
يا امل راجين غيومك
شان دعاش الريده يرجع
ولينا ترجع ما بنلومك
دي النجوم من يوم ما فتا
شاردة تسأل عن مكانك
والزهر يا قلبي برضو
زي بسأل عن حنانك
كيف تكون دنياي بعدك
ولسه في جواي زمانك
يوم ريدك فيني بكبر
معاهو تكبر امنيات
خلي بالك ابقي عارف
وأذكر الماضي اللي فات
كيف تسيب فرحتنا ترحل
وانت حبك باقي زاد
وغنوة بتحرك مشاعر
شايله من ذاتك صفات
يلا ارجع لي بتلقي
وردة راجياك وسنبلات

______

يا شوق

كلمات : سراج النعيم
...................
يا شوق سريع ارحل
وزف البشري للغايبين
ووصيهم وقوليهم
لوساعات الفراق طالت
انحن البي الكتير ضايقين
علي لقاكم وذكراكم
علي حلماً رجينا سنين
يا شوق سريع ارحل
وعلي دار الحنان بس مر
بنرجاك ونوصف ليك
احزانا ومعاني الضر
علي ناساً عزاز كانوا
وعلي ولداً فعايلوا تسر
علي السمحة الفي الفريق قادلة
علي النم والعديل بنجر

احكي لي

كلمات : سراج النعيم
..........................
احكي لي وقولي لسه
عني غنوة وقصي قصة
احكي عن ريدتنا هسه
وابقي نغمة واطوي صفحة
عن مشاعرك نحوي صارحي
يا الخواطرك فيني همسه
عن مسافر شايل اسفه
في الدفاتر شايفه اسمو
دي المهاجر وشوقو حسمو
مين بدونك حسه بيهو
وين مثيلك وانتي فيهو
اصلي مولود وفيها راجي
وياما لدرب الاصول
كم فارقت يا قلبي الاصول
سبت ناسك وجيت براك
وعشت احساسك رجيت هواك
ابقي لي اجمل سفر
داير اقيم حتي لو كمل الدهر
وتاني ما اظن ارجع وتر
حاير الغيم رشح المطر

لو تسامح

_______
كلمات : سراج النعيم
_______
الليلة جاييك يا الحنين
عشان نعيد اجمل سنين
كانت ايام من عذاب
مليانة بالشوق والحنين
لو غلطت عليك مره
برضي طامع في قليب
مخلص.. امين
لو شفت دونك يا جميل
كل ايام عمري فرقة
ذنبو ايه قلبي البحبك
لو غلطت تصيبو حرقة
اه لو بتعرف في بعادك
مره اسرح ومره اشقي
كنت بحلم بي رجوعك
لي ديارك ولي قليبي
والسهاد كان من نصيبي
جيتك اترجاك واسامحك
ياكا مهما تكون حبيبي

اختيار خبيرة التجميل (سماح) بيديلاً لـ(لوشي)

......................
اختيار خبيرة التجميل (سماح تبيدي) ضمن حملة أحدي الشركات السودانية للدعاية لشهر مارس ضمن قائمة الشخصيات المؤثرة في المجتمع.
تعتبر سماح تبيدي خريجة إدارة أعمال من جامعة (الأحفاد) بمدينة امدرمان إذ أنها تلقت العديد من الكورسات في مجال فن التجميل، ولديها لمسات في مجال مكياج المرأة.
والجدير بالذكر أن أسرة تبيدي، هي من أوائل الأسر التي انخرطت في هذه المهنة بجانب شهرتها الواسعة في مجال تجارة وصياغة الدهب.
ويذكر أن الإعلامية آلاء المبارك الشهيرة بـ(لوشي) اختيرت في وقت سابق لتكون ضمن مستقبلي كأس العالم بالخرطوم.

تاور يرفض الوساطات في بلاغات ضد (البندول) وحسين الصادق وآخرين

...........................
رفض الفنان الكبير محمود تاور الوساطات في البلاغات التي فتحها في مواجهة المطربين حسين الصادق في (يمة الشوق) واحمد فتح الله الشهير بالبندول في (أرجع تعال عود لي) وعصمت بكري في (الشمس غابت) وياسين وخنساء في (مصابك سميرك) ومحمد عيسي في عدد من الاغنيات بالإضافة إلي عدد من المطربين والمطربات.
قال : رفضت كل الوساطات نسبة إلى أن المطربين المشكو ضدهم ظلوا يرددون أعمالي دون الرجوع إليّ، ويبدﻭ ﺃنهم يغنون أغنياتي وﻳﺘﻌﻤﺪ البعض منهم ﺗﺠﺎﻭﺯ ﺍﻟﻘﺎﻧﻮﻥ ﺍﻟﺤﺎﻓﻆ ﻟﺤﻘﻮﻗﻲ، لذا قمت بإتخاذ الإجراءات القانونية ﻓﻲ ﻣﻮاجهتهم.
فيما قال صابر محجوب (صبورة) مدير أعمال تاور بأن المكتب الإعلامي للفنان محمود شرع في إتخاذ إجراءات قانونية في مواجهة عدد من الفنانين والفنانات.

المواطنون يشكون من أزمة مواصلات حادة بالخرطوم

.........................
شكا عدد من المواطنين من أزمة مواصلات حادة تشهدها ولاية الخرطوم ما حدا بعض سائقي المركبات العامة استغلال الظرف ورفع تعريفة المواصلات على حسب المزاج فمثلا الحافلة الهايس من الخرطوم إلى امدرمان بـ(10) و(15) جنيهاً، فيما استغلت الامجادات الموقف ورفعت سعرها وغيرها من التعريفات المختلفة على حسب الأهواء الشخصية دون التقيد بالتعريفة المقررة من سلطات ولاية الخرطوم .
وطالبوا سلطات ولاية ﺍﻟﺨﺮﻃﻮﻡ بفرض ضوابط مشددة على المركبات، وفرض رقابة عليها من حيث عدم تقيدها بالتعريفة الصادرة من السلطات المختصة، فالزيادات التي ينفذها سائقي الحافلات أنهكت ميزانيات الموظفين والعاملين البسطاء الذين ينشدون تدخلاً سريعاً يساهم في تخفيف الأعباء الملقاة على كاهلهم من فواتير أخرى.