الريدة يا غالي
كلمات : سراج النعيم
الريده يا غالي
طوالي في زيادة
وحبك بقالنا قدر
خلانا في سعادة
يا روعة الإبداع
الحالي انشاده
يا فرحة الايام
يا أميرة يا غاده
اليوم بقالنا طويل
راجنو شان نرتاح
وامالنا فيك شقي
بنفتش الافراح
يا ثغر طعمو حنان
زي روعة التفاح
ملينا سفرك طال
والنور بقالنا ظلام
نتعشم الأحزان
بي فرحة الايام
لو كان عذابنا رضاك
بنضوقوا أعلى مقام
لوكان جزانا صدود
في الصمت نلقى كلام
شان انت سيد الناس
شان عشرة الايام
نستنى تاني تحن
ورضاك أغلى مرام
تعليقات