________
كلمات : سراج النعيم
________
متين بنفرح بي قدومك
يا امل راجين غيومك
شان دعاش الريده يرجع
ولينا ترجع ما بنلومك
دي النجوم من يوم ما فتا
شاردة تسأل عن مكانك
والزهر يا قلبي برضو
زي بسأل عن حنانك
كيف تكون دنياي بعدك
ولسه في جواي زمانك
يوم ريدك فيني بكبر
معاهو تكبر امنيات
خلي بالك ابقي عارف
وأذكر الماضي اللي فات
كيف تسيب فرحتنا ترحل
وانت حبك باقي زاد
وغنوة بتحرك مشاعر
شايله من ذاتك صفات
يلا ارجع لي بتلقي
وردة راجياك وسنبلات
ليست هناك تعليقات:
إرسال تعليق