كلمات : سراج النعيم
________
طبع الغيمة بتسافر
لانو الريح بتمشيها
إلا عيونك انتي
حرام روحي تشيلها
وتمشي بيها بعيد
كتير قلت تعود
لكن لا عدت ولا اهتميت
ولا بعدك انا اتلميت
كان تعلمني الانتظار
ووين ألقي الصبر
اصلو حالي ظاهر
وقبال تفوت روحي
اتمنيتك برضو تعود
وتروي شوقي شديد
وتكتب لي عمرا جديد
فيهو الفرح بالتاكيد
كلمات : سراج النعيم
___________
مخضب بروح الانس
موكب زفافك حس
تعالي اليوم عرس
انتي ليلي بتضوي شمس
لوسالتي كنتي عرفتي
القمر طل من امس
والبسمة جواك تهمس
والنسمة بتدي الحس
زهور نديانه تمس
خاطر اللقيا اماني
بغرس ريدك غرس
والفرحة الفيك رحابة حس
والاشواق زفة عرس
تقول جواي موسيقي
وزهور نديانه تميس
والناس فرحانه بتحرس
كلمات : سراج النعيم
___________
مشاوير الحزن بتنقر
علي باب الزمن الاشتر
سفن ترسو وسفن تبحر
والجرح أكبر من حدود العمر
مرات تروح مرات تعود
تتحدي خطاوي الحزن الفقر
أقول يمكن القي الوداد
في الغناوي هايم شعر
او في حكاوي السفر
ما البيا اكبر من قدر
يا طيف وعدت نجومك سهر
اتحسسك وتتحسسيني فجر
تايه في سكتك منتظر
زي مريدين بطوفك ذكر
نشوة ريد وحب بفكر
وما بارحني الشوق لا بفتر
كلمات : سراج النعيم
____________
ما تخوفك غيوم من الاحزان
بوصفك للنجمات تضوي مساره
ياكي داخلاني من زمان
وشايفك في ليلي مناره
يا دعاش من عشم حافل
بعزفك غنوة جواي اوتاره
خليك دايما في قلبي
برسمك للامل عنوان
ما تقولي ما في امل
وتطلعي من دا المكان
ارجعي لي تلقيني عطشان
بقراك للافراح نشوان
ما تبقي زي مهرا جافل
اكيد بدونك ظمان
استني شوقي واعرفي الحاصل
انا فيك عمري رافل
ما تقولي منك راحل
يا منقوشة في خاطري اول
طلي ياكي مرفي للفرح
وياكي ليهو الساحل
والودع تلقي عن غافل
كلمات : سراج النعيم
__________
كيف بترجعي الزمن المشي
يا قمر فيني سمر العشا
كل المدائن بقت وحشة
باكيات عليك حد الدهشة
وكت الفجر منك يرتشي
ناوي ارسم فيك لوحتي
ياكي لي وانتي عشقي
ما ترقصي غيمي تنتشي
ضوي من عينيك العتمة
يا خجولة اشرقي في شمسي
هاك صباحات الحلم زركشي
ناوليني شراع الامل برسي
وبصافح شوقك سلام عرفه
انا تاني عليك ما بقسي
حرقة الجوف والحشا
ومهما الجراح تصبح وتمسي
كلمات : سراج النعيم
____________
تعالي لي قبل اتلاشي
وابقي في الدنيا ما شي
يا شرفة الفجر الدفي
ريدي ليك ما تخفي
استني بس نرجع خطوة
نبني من الخيال دنيا
يا سحابة ضللي حسي الوفي
وقلبي الجريح معاك اشفي
والحب الجواي منو ارتشفي
يا ديمه ظالمه الريد معاي
بحلم بيك عشقي الخرافي
بالعديل والزين ابقي مرفي
وابقي غيم الفرح الفه
وابقي زغرودة وابقي زفه
غناي بتوسد غناك عرفه
بفتح مسامات قلبي شرفه
علي نوافذ الزمن لهفه
داير الببنا ريده مختلفه
______
كلمات : سراج النعيم
_______
شوفو العجب كيفن بسو
وكتين تجيهو الكورة ديك
بتعب اكيد كل الدفاع
برسم روائع البهجة فيك
مريخنا بيهو سعيد وكم
عجبنا بيهو الكون رطن
فيهو ذوق احساس وفن
بالكورة كم فرح وطن
عجبنا بيفعل ما يشا
وقلبو للمريخ وفا
اهدافو بالراس مدرسة
الشبكة دايما بتعرفا
العجب دوام الكل بقوله
في المساطب عامله جوله
طولن من ريدتو طوله
بحبو يا ناس وخجوله
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
