كلمات : سراج النعيم
___________
مشاوير الحزن بتنقر
علي باب الزمن الاشتر
سفن ترسو وسفن تبحر
والجرح أكبر من حدود العمر
مرات تروح مرات تعود
تتحدي خطاوي الحزن الفقر
أقول يمكن القي الوداد
في الغناوي هايم شعر
او في حكاوي السفر
ما البيا اكبر من قدر
يا طيف وعدت نجومك سهر
اتحسسك وتتحسسيني فجر
تايه في سكتك منتظر
زي مريدين بطوفك ذكر
نشوة ريد وحب بفكر
وما بارحني الشوق لا بفتر
كلمات : سراج النعيم
____________
ما تخوفك غيوم من الاحزان
بوصفك للنجمات تضوي مساره
ياكي داخلاني من زمان
وشايفك في ليلي مناره
يا دعاش من عشم حافل
بعزفك غنوة جواي اوتاره
خليك دايما في قلبي
برسمك للامل عنوان
ما تقولي ما في امل
وتطلعي من دا المكان
ارجعي لي تلقيني عطشان
بقراك للافراح نشوان
ما تبقي زي مهرا جافل
اكيد بدونك ظمان
استني شوقي واعرفي الحاصل
انا فيك عمري رافل
ما تقولي منك راحل
يا منقوشة في خاطري اول
طلي ياكي مرفي للفرح
وياكي ليهو الساحل
والودع تلقي عن غافل
كلمات : سراج النعيم
__________
كيف بترجعي الزمن المشي
يا قمر فيني سمر العشا
كل المدائن بقت وحشة
باكيات عليك حد الدهشة
وكت الفجر منك يرتشي
ناوي ارسم فيك لوحتي
ياكي لي وانتي عشقي
ما ترقصي غيمي تنتشي
ضوي من عينيك العتمة
يا خجولة اشرقي في شمسي
هاك صباحات الحلم زركشي
ناوليني شراع الامل برسي
وبصافح شوقك سلام عرفه
انا تاني عليك ما بقسي
حرقة الجوف والحشا
ومهما الجراح تصبح وتمسي
كلمات : سراج النعيم
____________
تعالي لي قبل اتلاشي
وابقي في الدنيا ما شي
يا شرفة الفجر الدفي
ريدي ليك ما تخفي
استني بس نرجع خطوة
نبني من الخيال دنيا
يا سحابة ضللي حسي الوفي
وقلبي الجريح معاك اشفي
والحب الجواي منو ارتشفي
يا ديمه ظالمه الريد معاي
بحلم بيك عشقي الخرافي
بالعديل والزين ابقي مرفي
وابقي غيم الفرح الفه
وابقي زغرودة وابقي زفه
غناي بتوسد غناك عرفه
بفتح مسامات قلبي شرفه
علي نوافذ الزمن لهفه
داير الببنا ريده مختلفه
______
كلمات : سراج النعيم
_______
شوفو العجب كيفن بسو
وكتين تجيهو الكورة ديك
بتعب اكيد كل الدفاع
برسم روائع البهجة فيك
مريخنا بيهو سعيد وكم
عجبنا بيهو الكون رطن
فيهو ذوق احساس وفن
بالكورة كم فرح وطن
عجبنا بيفعل ما يشا
وقلبو للمريخ وفا
اهدافو بالراس مدرسة
الشبكة دايما بتعرفا
العجب دوام الكل بقوله
في المساطب عامله جوله
طولن من ريدتو طوله
بحبو يا ناس وخجوله
خاطرة : سراج النعيم
_____________
ما في ليك في قلبي خانه
ولاشعور بالفرحة وحنانه
كيف تقولي اصبر عليك
وحتي الصبر معاك مهانه
القوافي حسيت بيها هيمانه
والغمامات بتهدي الحسره
ولكل الناس بيوت حزنانه
خيوط الشمس زي ضهبانه
والحروف هي التقول ولهانه
بتشع في قلبي نهاريه
زي رقراق الزمن الخيانه
ما الجرح فيني باني مكانه
ولما تجيهو نجمات الرجوع
اقول يمكن كتير علبهو الشيل
وكل ما يمر عليهو الحول
القاهو حاضن صمتو بديل
لا لاقي أمل لا لاقي دليل
دا الغياب طال جواي بالحيل
تاريك بتغازل انت رحيل
فايت سكة العودة عديل
خاطرة : سراج النعيم
__________
مدينتي نامت علي ساعدي
كصبح يشتاق صياح صغيرتي
ويمتص ومضة في همسي
كم ارخيت الليل ظلي
ونسجت من خيوط شمسي
قافلة تلهث وراء ذاتي
ريثما يتحدي الصباح سباتي
ريثما يشق الصمت حياتي
فكم غطي العين وعدي
وكم اطفأ ضي شمعتي
ربما عكر صفو يحنو
حيثما الظلام يغشي حسي
معريا رعشات الأفق الآتي
ربما الغد شاردا يهفو
نحو جراح اضاعت سنبلاتي
ها هي سارقة الفرح تدنو
مثلما شراع تاه عني
في أحلام لامسي لا تأتي
ربما طني طائش الشطيء
يهز باب صدر حقيقتي
غير أن الظن خاطيء
يجدل الحزن في اغنياتي
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
