كلمات : سراج النعيم
______________
كلم عيون الفرحة فيك
يا الفي الحب ما ليك شريك
لملم افراح الروعة فال
واتلفح ريدي عليك شال
محال القي الناس البشبهوك
عطرك مازال فرح وسر
زي دهشة ما بتفارق عمر
والقمر بضوي كل الامكنة
يا نور من نور فسر
الشمس لمن تشرق هنا
شعاعك ليها مرسي وبر
والعصافير بتغرد ليك امل
عشان ترجع تاني وتستقر
ما تعلم النجوم تسهر
طول الليل تنسي الصباح
واسراب النوارس بيك تحلم
وبي زمن خالي من الرياح
والمسافات تشتت عطر الزهور
تحرمني ابوح بالحب المباح
اكيد بتحن ليك القلوب
وتفرد مع الاحلام جناح
كلمات : سراج النعيم
__________
يا بنيه شوقي ليك دافر
ما عصي في روعتك ساهر
يا بنيه زي أسراب النوارس
اعشق فيك موجا هادر
ما بخون ابدا فيك مصاير
مهما الحزن يباري الجراح
عزمي حسنك نحوي ساير
مضمون في عش الريده
وابتسامتك تكفي تزيل بصاير
برضي كل غرورك وشكك
ما دام قلبك زهرة وفيه
وقلولنا بتشقشق زي عصافير
تتفح جواي فرحة ندية
ما بتعرف ابدا منك تطير
ما بتعرف دموع عيون أبدية
بتنهل من نبعك الحب غير
ما بتعرف في الريده عذرية
بلقي عندك حصون محمية
وصبر زاخر في طنك حرية
انتي في الاول والاخير قضية
كلمات : سراج النعيم
____________
انسامي بتحن ليك صباح
زي الفراشات والورود والرياح
وتغرد عصافير الحب بجناح
تلقي دهشة الريد المباح
عليك حظي ساكن تعال
يا منتهي الشوق شرفت البال
كان غبت بغيب معاك
لو تزيد بزيد لهيب شعال
ما بعرف غيرك يمين أو شمال
في الليل أو في النهار
الأيام زي نحوك اقبال
جيتك ليهو بدر الكمال
مكحول بنورك كاسيوه امال
بس وين القي الحال
وقلبي عاني منك اهمال
هايم في واديك الجمال
وفي قلبي وقلبك متعال
هبه عبيرو فاح دلال
خلي دموع الشوق كحال
تبعد ترحل هي محال
ما بتترك حبي صايبهو نبال
خطواتي بيك انتي كمال
كلمات : سراج النعيم
_________
قريب منك قلبي افتكر
فك شفرة الريد اتذكر
شوف وصفه حبي يا ناكر
معاك الشوق جواي اتحكر
هاك وطنك متجلي في الخاطر
انا منك مكسي امل ماطر
وفرح شعبك عليك صابر
سحابك الغيث فيك ظاهر
عواطفي زي بيك بتجاهر
انتي حياتي مثال نادر
بخلص ليك ابقي ذاكر
غيم الاماني منك دافر
مرسوم عليك ابقي شاكر
انا بوفيك ما تهجر باكر
تبحر بالحب خاين وماكر
تعمل فيها انت ماهر
كان بالجراح انت قادر
ببقي ليك حسام باتر
كلمات : سراج النعيم
____________
كحلي عيون الصباح ريدي
حتي لو فارق هواك هواني
خليك في ملامح الشوق
ضوي دواخل الفرحة اماني
ومهما تجفي او تنساني
ما بتخلي عنك انت ثواني
ابدي العيد معاي وعيد
واحد فينا ما يخون التاني
تبسم يبسم فرح الاماني
اديني الامل سكة عنواني
أغرب حاجة الروعة فيك
بشكل جديد وحداني
روحي بتنظيم عليك اغاني
ما بتوه براعي فيك حرماني
احساسك برن وتر جواني
غاوى الغزل بغزلك الحاني
ومهما رسمت الحزن تاني
بترجع لي علشاني
وتكون الريده حاضنه زماني
كلمات : سراج النعيم
___________
انا الفاقد رشدي معاك
بالحب والريد في سماك
ساهي في ليك حماك
وبيني وبينك وصال لماك
رقة وحنان وشوق دفاق
انا من زمان مغرم هواك
يا بهجة انا كم بتمناك
نجوم بتضوي الفؤاد للقاك
يا زهرة ندية في هداك
مرحي بالافراح في صباك
اسرني حسنك وصوت نداك
روحي وكلي انا فداك
يا من هيجتي شجوني وعيناك
ما شفت لي مثيل سواك
انتي الهيبة والعزة زايناك
جواي ضاوبة دلال اغناك
ما لي فرح لولاك
يا حاوية معصوم في علاك
خاطرة : سراج النعيم
____________
عشقتك هذا المساء
وكرهتك في زي الخبثاء
تتناقضين
وتطلين
كنجمة شاردة في السماء
هكذا انتي بلا حياء
فيك وجدت الزيف والرياء
وجدت أحلامي لم تبدأ
ولم تهدأ في سوداء الفؤاد
هكذا لدي طال النداء
أذنا كرهتك ابدا
وإن وجدتك هذا المساء
طائشة في أيام عجفاء
تركضين نحوي دون لقاء
فلا تدركين نجوم السماء
ما دام مشهدي في جفاء
بين هدي وبسمة حمقاء
فلا تنتظرين وحي باستحياء
وتصرفين خداع وجهك شقاء
عندما كان أول لقاء
عشقتك روحي دون رياء
ولكن وجدتك مثل الغثاء
تزينين الحب للهوي
وغيرك تهيم عشقا بلا رياء
تصافح حبي بالندي
ورقصة الرياحين هذا المساء
فلا اباع أو اشتري كعازل الهوي
في بورصة لبغاء النساء
كرهتك يا سيدة من هراء
لا عهد لك أو وفاء
حكايتي لا ترحم سمراء
تقف علي أبواب الغرباء
وتهدي أعظم ما لديها للبقاء
وجدتك في هذا الهراء
تعانقين من هزم الانقياء
كرهتك عاهرة شاردة
تجيدين كل فنون الإغراء
ليتني ما عشقتك في صفاء
ليتني ما صادفتك هذا المساء
ولا لاقيتك تحت سقف السماء
ولا وجدتك في مجالس الشعراء
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
