________
خاطرة : سراج النعيم
________
البرنس دايرا دايرا
الجوه قلبي ساكن برا
لاعب وسط فنان اصيل
بترجم الاحساس نبيل
حريف يمين زولي وحنين
فوقو الكلام بصبح قليل
صاحب الجميل دايما جميل
الكورة بتريدو عديل
شوفو الجماهير ليهم كم
بتهتف كتير وبيهو تميل
البرنس دا مين زيو مين
بذكري بي جكسا وامين
ليهو ليكم ما نجلي
سلمتو قلبي هدية ودين
معشوق الملايين البرنس دا
يهتز الدفاع وكتين
الشبكة بتخاف منو وتين
مراوغ خطير اهدافو بتسر
كلمات : سراج النعيم
___________
استنيني ما بتاخر في الميعاد
انا وقفت زماني عشانك
لكنو لا راح ولا عاد
بهاجر ليك وين ما كان
وقلبي بشارك قلبك اهاتو
يا قمر ذات من ذاتو
ما بغيب وكتين تزف ساعاتو
اديني كتابك وهاك كتابي
جميل فيهو ريد خرافي
انا دوام ببداك قصة
انسج حروفه من حكاياتو
يا فرح شايل فرح اتي
عود لي من تاني
وتاني امشي في دربي
انت من زمان اسر حياتي
كلمات : سراج النعيم
___________
اديني مدخل من احلام
انا الادمنت جذر عينيك
بيني وبينك مراحل ريد
بشاير فرحة تتفتح ليك
قوافل الشوق راجنك تطل
وانا بيك عمري سعيد
مشاعر عيون الذكري تجيك
مواسم ريد تزدان بالاماني
تسابق حتي هواك
عاشق شال عشم باكر
وعليك انهال بالتهاني
بصارع في رياح احزان
بحلم بي غرامك تاني
يبقي فيك خاطر ضحاك
تعال عشان يلقي الابتسام
والعيون مهما تخفي فاضحاك
_______
كلمات : سراج النعيم
_______
ما كنت بتخيل
قلبك يشيل اتنين
ينسي زولا كان
خاتيك في العين
طاريك دون الناس
ضاميك شوق وحنين
كنت ليهو الفال
قسمت قلبو الحزين
ما كنت بتخيل
كيفن بدون اسباب
تجرح مشاعرو تفوت
يحصد حصادو الريح
تبكيك ياما بيوت
وعشم السنين يا ناس
يبقي اخرو صدود
شوق العيون يرحل
وترحل معاهو ورود
ما كنت بتخيل
انك معاي موجود
وقلبك بعيد مني
كلمات : سراج النعيم
____________
ما لو قلبك لي متحدي
رغم الشوق خاطر اللهفة
يا موج احساس ساقني للضفة
بتمناك ساحل فيهو المرفي
وغيم الفرح الهاطل الفة
انت الريد والفكرة
انت الحب الدهشة
بهديك حلم فيني فطرة
نحن داخرنك لي بكرة
وبيني وبينك صدق الذكري
يا بسمة في عينيك حناني
ببحر بيك من تاني
يا فرحة في مسار عنواني
يا نسمة بتحصد حبي الاتي
يا محنة من لون جواني
يلا نشيل الامل افراح
ما تفوتي مني زي سواح
خليك هنا معاي سماح
عشان احسك جواي براح
كفاية ما ضاع او اللراح
خاطرة : سراج النعيم
___________
انا ما قلت ليك يا قلبي
الايام بتجور عليك
اقفل بابا ليهم بوديك
والبخونك خليهو بطيب خاطر
خليهو يتابع في خطاوبه
ما تشيل قلبك تاني تجيهو
مهما الجرح طول فيك
لو تاني جيت ومديت ايديك
ما اظني ارجع اشتهيك
والبطرا الجرح مصيرو يجيهو
ويفرد للحزن مساحه جواهو
غايتو صورتي وشليه من عينيك
انت ظاهر انو هناك مرتاح
لاني لقيتك انت ما لي
انت عايش للاوهام شريك
انت بس اصبر ساكت
بجي اليوم الفيهو بجازيك
انا اصلي ما بندم عليك
ما بتذكرو ما ضيك
ما اظني ارجع واشتهيك
خاطرة : سراج النعيم
____________
بريدك روحي وروحك معاي
انا لي فيك حكاية
مرسومة فيني دوام اية
زي لوحة الموناليزا
بتدهش كل الشافا
هي زي قصة حروفه
منقوشة بي دموع الدهباية
سلسله بتجسد رواية
فيها البداية وفيها النهاية
فيها مليون حلمه جاية
بقراك انا يا منابا
ابتسامة من منبع الحنايا
لانو عينيك فيها هنايا
ونظرتك تمسح كل شقايا
يا فرحة بنزيل اسايا
يا زغرودة جواي زفة عرس
بالعديل والزين مبروك عليك
يا طبيبة سكنتك منايا
انا في حبك دوايا
يلا وشوشي في الحلم
مهرك معاي روح هوايا
.......... *تواصل شبكة (أوتار الأصيل) الإخبارية، وصحيفة العريشة الرقمية نشر الحوار الهام مع الخبير في الإقتصاد العالمي الدكتور أسامة عطا جب...
