يا وطن نعشق ترابك

___
كلمات : سراج النعيم
________
يا وطن نعشق ترابك
بي شمالك وبي جنوبك
وشرقك الفياض وغربك
اصلو ما دايرين خرابك
نحنا نفديك بعمرنا
وللسلام جاهزين شبابك
في سبيل يحي الوطن
ننسي الصعاب ننسي المحن
بكره تشرق جد شموسك
ونبقي ليك نحنا الرسن
يا تحفة أفريقيا وحضارة
انت للتايهين منارة
فيك ابطال الملاحم
الخليفة والنجومي كمان عمارة
في الشرق دقنة الأصالة
روعة من اجداد وطنا
ولوحة من اعظم بشارة
يا وطن جوانا ريدك
يا فرح كل الغلابة
نيلك الممدود محنة
خدر الارض اليبابة
داك بعانخي اللسه فينا
يا ما علمنا الصلابة
داك نمر فوق المتمة
ذكري طيبة علي الكتابة
شوف بنونة وشوف سمارة
كمان مهيرة البان هلاله
شايله من النيل جماله
ومن جمال ارضه ورماله
الطابية زينا رواية لينا
بتحكي روعة عازة فينا

____

خلي بالك

__
كلمات : سراج النعيم
________
متين بنفرح بي قدومك
يا امل راجين غيومك
شان دعاش الريده يرجع
ولينا ترجع ما بنلومك
دي النجوم من يوم ما فتا
شاردة تسأل عن مكانك
والزهر يا قلبي برضو
زي بسأل عن حنانك
كيف تكون دنياي بعدك
ولسه في جواي زمانك
يوم ريدك فيني بكبر
معاهو تكبر امنيات
خلي بالك ابقي عارف
وأذكر الماضي اللي فات
كيف تسيب فرحتنا ترحل
وانت حبك باقي زاد
وغنوة بتحرك مشاعر
شايله من ذاتك صفات
يلا ارجع لي بتلقي
وردة راجياك وسنبلات

______

يا شوق

كلمات : سراج النعيم
...................
يا شوق سريع ارحل
وزف البشري للغايبين
ووصيهم وقوليهم
لوساعات الفراق طالت
انحن البي الكتير ضايقين
علي لقاكم وذكراكم
علي حلماً رجينا سنين
يا شوق سريع ارحل
وعلي دار الحنان بس مر
بنرجاك ونوصف ليك
احزانا ومعاني الضر
علي ناساً عزاز كانوا
وعلي ولداً فعايلوا تسر
علي السمحة الفي الفريق قادلة
علي النم والعديل بنجر

احكي لي

كلمات : سراج النعيم
..........................
احكي لي وقولي لسه
عني غنوة وقصي قصة
احكي عن ريدتنا هسه
وابقي نغمة واطوي صفحة
عن مشاعرك نحوي صارحي
يا الخواطرك فيني همسه
عن مسافر شايل اسفه
في الدفاتر شايفه اسمو
دي المهاجر وشوقو حسمو
مين بدونك حسه بيهو
وين مثيلك وانتي فيهو
اصلي مولود وفيها راجي
وياما لدرب الاصول
كم فارقت يا قلبي الاصول
سبت ناسك وجيت براك
وعشت احساسك رجيت هواك
ابقي لي اجمل سفر
داير اقيم حتي لو كمل الدهر
وتاني ما اظن ارجع وتر
حاير الغيم رشح المطر

لو تسامح

_______
كلمات : سراج النعيم
_______
الليلة جاييك يا الحنين
عشان نعيد اجمل سنين
كانت ايام من عذاب
مليانة بالشوق والحنين
لو غلطت عليك مره
برضي طامع في قليب
مخلص.. امين
لو شفت دونك يا جميل
كل ايام عمري فرقة
ذنبو ايه قلبي البحبك
لو غلطت تصيبو حرقة
اه لو بتعرف في بعادك
مره اسرح ومره اشقي
كنت بحلم بي رجوعك
لي ديارك ولي قليبي
والسهاد كان من نصيبي
جيتك اترجاك واسامحك
ياكا مهما تكون حبيبي

اختيار خبيرة التجميل (سماح) بيديلاً لـ(لوشي)

......................
اختيار خبيرة التجميل (سماح تبيدي) ضمن حملة أحدي الشركات السودانية للدعاية لشهر مارس ضمن قائمة الشخصيات المؤثرة في المجتمع.
تعتبر سماح تبيدي خريجة إدارة أعمال من جامعة (الأحفاد) بمدينة امدرمان إذ أنها تلقت العديد من الكورسات في مجال فن التجميل، ولديها لمسات في مجال مكياج المرأة.
والجدير بالذكر أن أسرة تبيدي، هي من أوائل الأسر التي انخرطت في هذه المهنة بجانب شهرتها الواسعة في مجال تجارة وصياغة الدهب.
ويذكر أن الإعلامية آلاء المبارك الشهيرة بـ(لوشي) اختيرت في وقت سابق لتكون ضمن مستقبلي كأس العالم بالخرطوم.

تاور يرفض الوساطات في بلاغات ضد (البندول) وحسين الصادق وآخرين

...........................
رفض الفنان الكبير محمود تاور الوساطات في البلاغات التي فتحها في مواجهة المطربين حسين الصادق في (يمة الشوق) واحمد فتح الله الشهير بالبندول في (أرجع تعال عود لي) وعصمت بكري في (الشمس غابت) وياسين وخنساء في (مصابك سميرك) ومحمد عيسي في عدد من الاغنيات بالإضافة إلي عدد من المطربين والمطربات.
قال : رفضت كل الوساطات نسبة إلى أن المطربين المشكو ضدهم ظلوا يرددون أعمالي دون الرجوع إليّ، ويبدﻭ ﺃنهم يغنون أغنياتي وﻳﺘﻌﻤﺪ البعض منهم ﺗﺠﺎﻭﺯ ﺍﻟﻘﺎﻧﻮﻥ ﺍﻟﺤﺎﻓﻆ ﻟﺤﻘﻮﻗﻲ، لذا قمت بإتخاذ الإجراءات القانونية ﻓﻲ ﻣﻮاجهتهم.
فيما قال صابر محجوب (صبورة) مدير أعمال تاور بأن المكتب الإعلامي للفنان محمود شرع في إتخاذ إجراءات قانونية في مواجهة عدد من الفنانين والفنانات.